ОХУ-ын Ерөнхийлөгч Владимир Путин Туркийн Ерөнхийлөгч Тайип Эрдогантай наймдугаар сарын 5-нд Хар тэнгисийн эргийн Сочи хотод уулзана гэж хэвлэлийн төлөөлөгч Дмитрий Песков мэдээлэв.

Ерөнхийлөгч нар бүс нутгийн тулгамдсан асуудал болон хоёр орны харилцааны талаар ярилцана гэж Интерфакс агентлаг мэдээлжээ.  Эрдоган өнгөрсөн долоо хоногт Истанбул хотноо Орос, Украины хооронд Хар тэнгисээр дамжуулан  үр тарианы экспортыг сэргээхэд чухал үүрэг гүйцэтгэсэн.

Путин, Эрдоган нар долдугаар сарын 19-нд Тегеранд хоёр талын уулзалт хийж, Ираны ерөнхийлөгчийн хамт Сирийн асуудлаарх дээд хэмжээний уулзалтад оролцсон юм.

Оросын эсрэг барууны хориг арга хэмжээнд нэгдээгүй Турк Москватай эдийн засгийн нягт харилцаатай. Мөн Киевтэй сайн харилцаатай байдгаараа Украины мөргөлдөөнд төвийг сахисан байр суурьтай байгаа.

Эх сурвалж: Aljazeera