"Evrovision" дууны тэмцээн ирэх жил Их Британид болно. Тус улсын  хэд хэдэн хот зохион байгуулах хүсэлтэй байгаагаа аль хэдийн илэрхийлсэн байна. Их Британид тохиромжтой талбай, байр, олон улсын тээврийн холболттой хэд хэдэн газар байдаг бөгөөд Лондон, Шеффилд, Манчестер албан ёсны зохион байгуулах тендерт оролцохоо аль хэдийн баталжээ.

Дууны тэмцээнийг зохион байгуулснаар их хэмжээний санхүүгийн эргэлт бий болдог. Үүний нэг жишээ нь, Азербайжан улс 2012 онд уг арга хэмжээг зохион байгуулахад 48 сая фунт стерлинг зарцуулсан байдаг.

Тэмцээний Гранд финалын тов хараахан зарлагдаагүй байгаа ч ихэвчлэн тавдугаар сард болдог. Украин нь Их Британи, Франц, Герман, Итали, Испани зэргийн адил Гранд финалд автоматаар тэнцэх аж. Тус улсууд нь арга хэмжээнд санхүүгийн хувь нэмрээ оруулдаг учраас шууд финалд шалгардаг байна.

Жонсон твиттер хуудсандаа " Их Британи Украин найз нөхдийнхөө нэрийн өмнөөс гайхалтай тэмцээн зохион байгуулна" гэж жиргэжээ.

Эх сурвалж:BNC