БНСУ-ын холимог тулааны “ROAD FC” холбооны “ROAD FC 061” өдөрлөг өчигдөр/2022.07.23/ боллоо. Энэхүү өдөрлөгийн хүрээнд Монгол Улсаа төлөөлөн М.Нандин-Эрдэнэ солонгос тамирчин Шин Дон Гуктай тулалдан манай тамирчин гуравдугаар үед хүнд цохилтоор өрсөлдөгчөө буулган авав.
Тулааны дараа М.Нандин-Эрдэнэ өөрийн цахим хуудаснаа “Бяртай, хүчтэй, ихэр хүүтэй тамирчинтай тулалдаж гуравдугаар үе дээр хүнд цохилтоор ялалт байгууллаа. Хамт байсан болон дэмждэг бүх хүнд баярлалаа” гэжээ.
Өдгөө 35 настай М.Нандин-Эрдэнийн тухайд холимог тулааны замналдаа 23 тулаан хийснээс 15 ялж, найм ялагдсан гэх үзүүлэлттэй байна. Тэрбээр энэ онд хоёр тулаан хийгээд байгаа бөгөөд нэг ялж, нэг ялагдсан үзүүлэлттэй явна.