Шри-Ланкын аюулгүй байдлын хүчнийхэн нийслэл Коломбо дахь засгийн газрын эсрэг жагсагчдын гол хуаранд нэгжлэг хийж, майхнуудыг буулгаж эхэлжээ.

Ерөнхийлөгчийн Тамгын газрын гадаа жагсагчид руу хэдэн зуун цэрэг, цагдаагийн командлагч хөдөлж, жагсаал тараахыг завджээ. "BBC"-ийн видео сэтгүүлчийг арми зодож, нэг цэрэг утсыг нь булаан авч, бичлэгийг устгасан байна.

Энэ. үйл явдал Ранил Викремесингх ерөнхийлөгчийн тангараг өргөсний дараа болсон юм.Шри-Ланкын ерөнхийлөгч асан Готабая Ражапакса өнгөрсөн долоо хоногт эх орноосоо дүрвэсэн билээ. Ерөнхий сайд асан Викремесингхэ олон нийтийн эсэргүүцлийг төрүүлдэг. Тэрбээр  жагсагчдын эсрэг хатуу арга хэмжээ авахаа амлажээ.Шри-Ланкад эдийн засгийн хямралын улмаас олон сарын турш үймээн самуун өрнөж байгаа бөгөөд олон хүн хуучин засгийн газрыг улсынхаа санхүүг буруу зохицуулсан гэж буруутгадаг.

Викрмесингх Лхагва гаригт  албан тушаалдаа орсны дараа эсэргүүцлийн жагсаал тайван журмаар өрнөж  байв.  Хэдийгээр түүнд иргэд  итгэлгүй байсан ч  улс орноо эдийн засгийн хямралаас гаргах боломжийг олгоно гэж мэдэгдсэн.

Тэрбээр  тангараг өргөснийхөө дараа хэлсэн үгэндээ, засгийн газрыг унагах, төрийн барилгуудыг эзлэх гэсэн аливаа оролдлого нь "ардчилал биш, хууль зөрчиж байна" гэж мэдэгджээ.

Хамгаалалтын албаныхан Баасан гаригийн өглөө эсэргүүцлийн хуаранд орж, жагсагчдаас барилгыг эргүүлэн авчээ.Цагдаа нар энэ үйл явдлыг "Ерөнхийлөгчийн хэрэг эрхлэх газрын хяналтыг буцаан авах тусгай ажиллагаа" гэж тайлбарлав.

Эх сурвалж: BBC