Европ тивд урьд жилүүдийг бодвол дулаарал эрчимтэй явагдаж, өдрийн 40 градус хүрэх болов. Франц, Их Британи, Испани зэрэг орнууд хэт халалтын эсрэг онц байдал зарлаж байна. Учир нь өдрийн цагтаа 43 хэм хүрч байгаа ба ой хээрийн түймэр мөн ихэссэн байна.

Франц, Португал, Испани, Грек зэрэг улсад гарсан ой хээрийн түймрийн улмаас олон мянган хүн гэр орноо нүүлгэн шилжүүлэхээс өөр аргагүйд хүрчээ. Францын хэд хэдэн хэсэгт хамгийн халуун өдрүүд тохиож, баруун хэсгийн Нант хотод 42 хэмд хүрсэн гэж үндэсний цаг уурын албанаас мэдээллээ. Их Британид түүхэн дэх хамгийн халуун өдөр болох төлөвтэй байгаа бөгөөд мэргэжилтнүүд Францын зарим хэсгийг "халуун апокалипсис" хүлээж байна гэж үзэж байна. Сүүлийн өдрүүдэд Францад гарсан ой хээрийн түймрийн улмаас 30 мянга гаруй хүн дүрвэж, нүүлгэн шилжүүлсэн хүмүүст зориулан яаралтай хоргодох байр байгуулжээ.

Өнгөрсөн Мягмар гаригаас хойш 17 мянган га (42,000 акр) талбайг устгасан галын эсрэг гал сөнөөгчидтэй тэмцэв. Мөн ой хээрийн түймэр баруун өмнөд хэсэгт байрлах аялал жуулчлалын алдартай бүс болох Жиронд ихээхэн хохирол учруулсан байна. Португалийн агаарын хэм 47 хэмд хүрсэн нь долдугаар сарын дээд амжилт юм. Үндэсний цаг уурын албаны мэдээлснээр тус улсын ихэнх нутаг түймрийн аюулд өртөөд байна.Гал түймрийн аюулын улмаас хойд Мурса хотын захиргаанаас 300 хүнийг нүүлгэн шилжүүлсэн тухай орон нутгийн хэвлэлүүд мэдээлж байна. Эрх баригчид 2017 онд ой хээрийн түймэрт 66 хүн амиа алдсан тохиолдол давтагдахаас зайлсхийхийг эрмэлзэж байна.

Эх сурвалж: BBC