Үл хөдлөх хөрөнгийн зах зээлд сүүлийн таван жилийн хугацаанд амины орон сууцны зах зээл эрчимтэй тэлжээ. Салбарынхны мэдээлснээр, 2022 онд 47 төслийн 1778 айлын амины орон сууц ашиглалтад орсон бол өдгөө 5534 айлын 69 төсөл хэрэгжиж байгаа аж.

2022 оны нэгдүгээр улирлын байдлаар, амины орон сууцны нэг м.кв талбайн дундаж үнэ 3.8 сая төгрөг байсан нь өмнөх улирлаас 5.6 хувиар, 2021 оны мөн үеэс 22.7 хувиар өссөн үзүүлэлт юм.

Орон сууц болон хаусны үнэ 2022 онд 20 болон түүнээс дээш хувиар өсчээ. Энэ нь сүүлийн жилүүдэд амины орон сууцны зах зээл найдвартай хөрөнгө  оруулалтын хэрэгсэл болсныг илтгэж байна.