Украины Батлан ​​хамгаалах яамны хэвлэлийн төлөөлөгч мэдээлснээр, сүүлийн долоо хоногт Украины пуужингийн довтолгоонд Оросын 30 гаруй цэргийн логистикийн төвүүд сүйдэж, Оросын довтолгооны чадавхийг мэдэгдэхүйц бууруулсан байна.

Албаны хүн Олександр Мотузианик Украинд Оросын эсрэг тэмцэхэд нь туслах зорилгоор барууны орнуудаас нийлүүлж буй алсын тусгалын хэд хэдэн төрлийн зэвсгийн нэг болох АНУ-д үйлдвэрлэсэн “HIMARS” пуужингийн систем гүйцэтгэсэн үүргийг онцлон тэмдэглэв.

Тэрбээр "Сүүлийн долоо хоногт дайсны 30 гаруй цэргийн логистикийн байгууламжийг устгасан. Үүний үр дүнд Оросын армийн довтолгооны хүчин чадал эрс багассан" гэж Мотузианик үндэсний телевизээр мэдэгдэв.

Украинд хоёрдугаар сарын 24-нд  довтолсон Орос улс  өмнөд хэсгийн газар нутгийг  эзлэн авч, зүүн талаараа их бууны давуу байдлаа ашиглан аажмаар газар нутгийн ялалт байгуулсан. Эцэст нь Луганск мужийг эзлэн аваад байна.

Гэвч Украины томоохон генерал Пүрэв гаригт  хэлэхдээ, Орос сүүлийн долоо хоногт "ганц ч метр" газар довтлоогүй  гэв. Украины пуужингийн довтолгоо Оросын хангамжийн шугамыг тасалдуулж, Москва сумаа фронтын шугамаас хол байлгахаас аргагүйд хүргэж байна.

“HIMARS”  нь Украины өөрсдийн пуужингаас илүү урт тусгалтай бөгөөд илүү нарийвчлалтай.  Украины хүчин урьд өмнө нь энгийн зэвсгээр хүрч чадахгүй байсан Оросын бай руу цохилт өгөх боломжийг “HIMARS” олгодог.

Эх сурвалж: Aljazeera