Багануур дүүрэгт өнөөдөр (2022.07.12) 14.30 цагийн орчимд 15 минутын турш бороо үргэлжлэн оржээ. Усархаг борооны улмаас тус дүүргийн 4-р хороонд байрлах үерийн далан хальж, зургаан айлын гэр, хоёр байгууллагын подвал усанд автсан байна.

Багануур дүүргийн Онцгой байдлын хэлтсээс мэдээлснээр, дуудлагын дагуу Онцгой байдлын хэлтэс, Засаг даргын тамгын газар, холбогдох газрын алба хаагчид айлуудын цахилгааныг салган аюулгүй болгож, усыг шавхан соруулж, даланг сэргээн засварлаж, нэг айлыг нүүлгэн шилжүүлэх ажлыг зохион байгуулан ажиллажээ.