ОХУ-ын Ерөнхийлөгч өөрийгөө хангалттай олон хүүхэдтэй гэж мэдэгдсэн ч  экс гимнастикч "амраг" Алина Кабаевагаас  "охинтой болох гэж байна" гэж шинэ тайланд дурджээ. Кремлийн удирдагч өдгөө 69 настай ба нэгэн цагт "Оросын хамгийн уян хатан эмэгтэй" гэгдэж байсан Олимпийн алтан медальт уран сайхны гимнастикчаас хоёр нууц хүүтэй болсон гэх мэдээлэл байдаг.  Кабаева 2015 онд жирэмсэн зураг ил болсон ба тус онд Швейцарьт нууцаар хүү төрүүлсэн гэж нэгэн эмч мэдээлж байв.

Үүний зэрэгцээ, гимнастикчын  хоёр дахь хүү 2019 онд Москвад төрсөн. Швейцарийн "Sonntagszeitung" сонины мөрдөн байцаалтын дагуу Путин хүүгээ Оросд төрүүлэхийг хүссэн гэж мэдээлжээ. Энэ жил 70 нас хүрэх В.Путин 2007 оноос хойш 39 настай Кабаеватай  үерхэж байсан гэдгээ үгүйсгэж,  гэр бүлээ сонгогчдоос нууж,  хоёр төрөлтийн аль алинд нь оролцоогүй. Гэхдээ хосууд одоо охинтой болох гэж байна гэж  Кремлийн дотоод хүмүүс ажиллуулдаг "General SVR Telegram”  мэдэгджээ. Уг хуудаст  “ОХУ-ын Ерөнхийлөгчийн хамтран амьдрагч Алина Кабаева жирэмсэн болсон талаар бид өмнө нь мэдээлсэн.  Өчигдөр төрөөгүй хүүхдийн хүйс тодорхой болсон – энэ бол охин" гэв.

Эх сурвалж: Daily mail