ОХУ-ын  пуужингийн цохилт Украины зүүн болон өмнөд хэсгийн хотуудад их хэмжээний хохирол учруулсан гэж бүс нутгийн албаныхан мэдэгдэв. Донецк мужийн Сиверск хотод болсон халдлагад дөрвөн энгийн иргэн амиа алдсан гэж орон нутгийн захирагч Павло Кириленко мэдэгджээ.

Оросын хуурай замын хүчин сүүлийн 24 цагийн дотор Донецкийн үлдсэн хэсгийг эзлэх оролдлогодоо дорвитой ахиц гаргаагүй бололтой. Оросын пуужин мөн хойд хэсгийн Харьков, өмнөд хэсгийн Николайев, Николайваас зүүн хойд зүгт орших өмнөд хэсгийн Кривой Рог хотуудад пуужингаар цохилт өгсөн гэж Украин мэдээлсэн. Украины зэвсэгт хүчнийхэн экспортын гол зангилаа болох Миколайвыг хамгаалж байна.  Оросын тэнгисийн цэргийн хүчин Украиныг Одессаас үр тариа тээвэрлэхэд саад хийсээр байна.

Украины Шадар сайд Ирина Верещук Орост эзлэгдсэн Херсон, Запорожжийн өмнөд хэсгийн оршин суугчдыг дүрвэхийг уриалав.  Энэхүү сэрэмжлүүлэг нь Украины дараагийн сөрөг довтолгоог зарласан бололтой.

Оросууд Херсон хотыг эзэлж байгаа ч Украины арми тус бүс нутгийн зарим хэсгийг эргүүлэн авчээ.

Эх сурвалж: BBC