Элон Маск “Twitter”-ийг худалдан авах 44 тэрбум ам.долларын гэрээг цуцалж буйгаа мэдэгдэв. Учир нь  олон нийтийн мэдээллийн компанийн зүгээс  платформ дээрх хуурамч эсвэл спам дансны талаар мэдээллээ өгөөгүй.

Аюулгүй байдал, солилцооны комисст (SEC) Баасан гаригт мэдүүлэхдээ “Тwitter” эдгээр хуурамч дансны талаарх мэдээлэл авах Маскийн  олон хүсэлтэд хариу өгөхөөс татгалзсан эсвэл амжилтгүй болсон гэж мэдэгджээ.

Ассошиэйтед Пресс болон Ройтерс агентлагуудын тайлбар өгөх хүсэлтэд “Twitter” тэр даруй хариу өгөөгүй юм.

Тус компанийн ТУЗ-ийн дарга Брет Тейлор твиттер хуудсандаа “Twitter-ийн Удирдах зөвлөл Масктай тохиролцсон үнэ болон нөхцөлөөр гүйлгээг хаах үүрэг хүлээсэн бөгөөд нэгдэх гэрээг хэрэгжүүлэхийн тулд хуулийн дагуу арга хэмжээ авахаар төлөвлөж байна” гэжээ. Хэлэлцээрийн нөхцлөөр Теслагийн гүйцэтгэх захирал Маск гүйлгээгээ дуусгаагүй бол 1 тэрбум ам.долларын нөхөн төлбөр төлөх ёстой. “Twitter”-ийг дөрөвдүгээр сард Маскд  44 тэрбум ам. доллараар худалдах тухай зөвлөл санал нэгтэй зөвшөөрч, олон нийтийн мэдээллийн хэрэгсэлд үг хэлэх эрх чөлөө, ташаа мэдээлэлтэй холбоотой маргаан, асуултыг үүсгэсэн.

Эх сурвалж: Aljazeera