БНСУ-ын инфляцийн түвшин зургадугаар сард өнгөрсөн оны мөн үетэй харьцуулахад 6 хувьд хүрсэн нь 1998 оны арваннэгдүгээр сараас хойших хамгийн өндөр үзүүлэлт болжээ. Үүнийг тус улсын Үндэсний статистикийн хорооны цахим хуудаст өнгөрсөн Мягмар гаригт нийтэлсэн тоо баримт нотолж байна. Тус улсын хэрэглээний үнийн өсөлт 2022 оны тавдугаар сард 5.4 хувьд хүрчээ. 1998 оны арваннэгдүгээр сард тус улсын инфляци 6.8 хувьд хүрч байсан аж.

Эрчим хүч, хүнсний бүтээгдэхүүний үнийн өсөлт, тахлын дараах эрэлт нэмэгдсэн, дэлхийн нийлүүлэлтийн сүлжээ тасалдсан зэрэг нь инфляци өсөх үндсэн шалтгаан болсон талаар “Ёнхап” мэдээлэв.

Тус улсын Үндэсний статистикийн хорооны ажилтан О Ун Сон "Эрэлтийн хүчин зүйл инфляцид нөлөөлөөгүй гэж хэлж болохгүй. Үнийн өсөлтөд гадаад нийлүүлэлт ихээр нөлөөлж байна" гэж хэлжээ.

Хэрэв одоогийн чиг хандлага үргэлжилбэл жилийн инфляци Өмнөд Солонгосын Сангийн яамны таамаглаж байснаас 4.7 хувиар давах бололтой. Хүнс, шатахууны үнийн өсөлтийг тооцохгүйгээр БНСУ-ын суурь инфляци өнгөрсөн зургадугаар сард 3.9 хувьтай байжээ.

Эх сурвалж: YONHAP, KOSTAT.GO.KR, TASS,