Вуду хүүхэлдэй гэж зүү хатгасан хүн дүрстэй зүйлийг хэлдэг. Энэ зан үйл нь дэлхийн олон оронд янз бүрийн хэлбэрээр оршин тогтнодог. Ихэвчлэн өөр хүнд хор хөнөөл учруулах зорилгоор вуду хүүхэлдэйг ашигладаг.

Японы Чиба муж дахь шинто шашны сүмээс тахилгын модонд хадаасаар хадсан вуду хүүхэлдэйнүүд олджээ. Гэтэл бүгдэд нь ОХУ-ын ерөнхийлөгч Владимир Путины царайг дүрсэлсэн байсан аж. Энэ хэргийг үйлдсэн байж болзошгүй 72 настай Мицүнобү Хиног баривчилжээ.

Хэдийгээр Хино өөрт нь тулгасан ялыг няцаагаагүй ч түүнд холбогдох хэргийг хэрэгсэхгүй болгосон байна. Учир нь хүүхэлдэй олдсон Миказүки сүмээс энэ асуудлыг цаашид үргэлжлүүлэхгүй байхаар шийдэж, гомдлоо буцаан авчээ.

Энэ хэрэгт холбоотой хөгжилтэй сэтгэгдлүүд цахим орчинд тархсан байна. Тухайлбал, “Би түүний мэдрэмжийг ойлгож байна, гэхдээ үүнийгээ илэрхийлэх илүү дээр арга зам олох байж дээ” гэжээ. Мөн “Хохирогч гомдлоо буцааж авлаа гэхээр нь Путиныг гэж бодлоо”, “Вуду хүүхэлдэй Путины эсрэг тийм ч үр дүнтэй биш байх нь. Тактикаа өөрчилж, түүн рүү ариун ус цацах цаг болсон гэж бодож байна” гэх мэт сэтгэгдэл ч байжээ.

Эх сурвалж: JAPAN TODAY, WIKIPEDIA