Ардчилсан намын XIV их хурал өнөөдөр /2022.07.02/ болж байна. Уг хуралд Монгол улсын 21 аймаг, 9 дүүрэг, 330 сумын мянга гаруй төлөөлөгч “Үнэт зүйл, үзэл баримтлал” дээрээ нэгдье уриан дор Ардчилсан намын өнөөгийн нөхцөл байдал, үүсээд байгаа асуудлуудыг хамтдаа хэлэцэж, Намын төлөөллийн төв байгууллага болох "Үндэсний Бодлогын Хороо"-ны гишүүдийг батламжлах аж.

Ардчилсан намын эрх барих дээд байгууллага болох Үндэсний бодлогын хорооны эргэлт /ротаци/-ийн сонгуулийг энэ оны тавдугаар сарын 10-ны өдрөөс  29-ний өдөр санал хураалт явагдаж, улмаар зургадугаар сарын 02-ны өдөр Үндэсний бодлогын хорооны ээлжит бус хурлаараа Үндэсний бодлогын хорооны гишүүнээр сонгогдсон гишүүддээ “Батламж”-ийг гардуулан олгосноор шинэчлэл, шинэтгэлийн эхлэлийг тавиад байна.