АНУ-ын дуучин Р.Келлид нэр хүндээ ашиглан хүүхэд, эмэгтэйчүүдэд бэлгийн хүчирхийлэл үйлдсэн хэргээр 30 жилийн хорих ял оноолоо. Өдгөө 55 настай R&B дуучин өнгөрсөн наймдугаар сард Нью– Йорк хотноо бэлгийн мөлжлөгийн хэргээр ял сонсоод байсан юм. Тэрбээр олон жилийн турш бэлгийн мөлжлөгийн хэрэгт холбогдож байсан ба шүүхээс Лхагва гаригт эцэслэн шийдсэн юм.

Жинхэнэ нэр нь Роберт Силвестер Келли хэмээх дуучны өмгөөлөгчид түүнийг давж заалдана гэж мэдэгджээ. Шүүх хуралд дуучин Келлигийн хохирогчид оролцсон байна. АНУ-ын дүүргийн шүүгч Энн Доннелли алдартан нь бэлгийн мөлжлөгийг зэвсэг болгон ашиглаж, хохирогчдыг үгээр хэлэхийн аргагүй зүйлд хүчээр тулгаж, заримд нь бэлгийн замын халдварт өвчин өгсөн гэж мэдэгджээ. “I Believe I Can Fly, Ignition” зэрэг хит дуугаараа алдартай Келли хорин жилийн турш эмэгтэйчүүд, хүүхдүүдийг бэлгийн хүчирхийлэлд уруу татаж байсан баримтууд шүүх хурлын үеэр ил болсон юм.

Эх сурвалж: BBC