2022 оны 6 дугаар сарын 29-ний өдөр энгийн арилжаагаар 27 хувьцаат компанийн 122,465,873 төгрөгийн үнийн дүн бүхий 351,244 ширхэг хувьцаа арилжигдсанаас 13 хувьцаат компанийн хувьцааны ханш өсөж, 11 хувьцаат компанийн хувьцааны ханш буурсан бол 3 компанийн хувьцааны ханш тогтвортой байлаа. Үүнээс  "Эрдэнэс сольюшинс" ХК (AMT +9.25%), "Мик холдинг" ХК (MIK +2.81%) болон "Гермес центр" ХК (HRM +2.38%) зэрэг компаниудын хувьцааны ханш хамгийн өндөр өсөлттэй байсан бол "Ремикон" ХК (RMC -9.09%) , "Махимпекс" ХК (MMX -6.92%) болон "Ард санхүүгийн нэгдэл" ХК (AARD -3.02%)-ийн хувьцаа хамгийн их уналттай байлаа.

Хөрөнгө оруулалтын 2 сангийн 10,964 ширхэг нэгж эрхийг 3,983,842 төгрөгөөр арилжаалсан бол хөрөнгөөр баталгаажсан үнэт цаас 15,000 ширхгийг 1,500,000,000 төгрөгөөр, компанийн бондын хоёрдогч зах зээлийн арилжаанд 753 ширхэг үнэт цаасыг 75,060,720 төгрөгөөр тус тус арилжааллаа.

ТOP-20 индекс 0.2 хувиар буурч, 32934.81 нэгжид хүрсэн бол зах зээлийн үнэлгээ 4,816,528,907,144 төгрөг боллоо.

Арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ