Кендалл Женнер “NBA”-ийн сагсчин Дэвин Бүүкертэй хоёр жил орчим үерхсэний эцэст салснаа мэдэгдэв. Гэхдээ тэр эргээд нийлэх магадлалтай гэж “Entertainment tonight” хуудсанд бичжээ.

Дэвин Бүүкер нь 25 настай, “Phoenix Suns” багт тоглодог. Тэд 2020 оны зунаас холбогдож эхэлсэн ба 2021 оны Гэгээн Валентины баярын өдрөөр инстаграмд харилцаагаа албан ёсоор зарлажээ.

Эх сурвалжийн мэдээлснээр, Кендалл, Дэвин нар ирээдүйнхээ талаар ярилцаад нэг зүйл дээр санал нийлээгүй гэв. “The Kardashians” шоуны үеэр Кендалл хүүхэдтэй болох тухайгаа ярьж байжээ. Крис Женнерийн зургаан охины хамгийн бага нь Кендалл бөгөөд одоогоор ганцаараа хүүхэдгүй байна. Ээж нь Кендаллаас хүүхэд шаардаж эхэлсэн тухай тэр нэгэн ярилцлагадаа дурдаж байжээ.

Дэвин гуравдугаар сард “Wall street journal”-д ярилцлага өгөхдөө хувийн амьдралынхаа талаар ихэд догдлон ярьж, маш их баяртай байгаагаа хуваалцжээ. Гэсэн хэдий ч тэд хуримаа хийх гэж яарахгүй байгаа гэж байв.

Кайли Женнерийн шинэ хүүхэд хоёрдугаар сард мэндэлсэн. Үүний дараахан тэдний ээж Крис Женнер ярилцлага өгөхдөө дараагийн ач зээгээ Кендаллийнх байна гэж найдаж буйгаа хэлсэн байна. Одоогоор Кардашианы гэр бүл 20 ач, зээтэй болжээ.

Эх сурвалж: DAILY MAIL