МАН-ын бахархал: Монголчуудын гунигт түүх | News.MN

МАН-ын бахархал: Монголчуудын гунигт түүх

МАН-ын бахархал: Монголчуудын гунигт түүх

МАН-ын бахархал: Монголчуудын гунигт түүх

ЦЭНГЭЛИЙН ДЭЭДИЙГ ЗАВХРУУЛСАН ЗАВХАЙ ЯРИА

Шинэ цагийн өнгөн дээр хуучны худал, хуурмаг түүхээр олныг үймүүлж, зовлонд үйсэн монголчуудад зол завшаан мэтээр сэрхрүүлэхүй. МАН-ын яруу алдарт ойгоор ямар морь хурдлуулж, хэний бөхийг түрүүлүүлэх талаар хэлэлцээд сүйд. Хэцүү өвчнөөс өндийсөн бидний эмзэгхэн сэтгэл зүй хар зөнгөөрөө л наадмаа нижгэр хийхээр дэмжих маягтай. Цар тахлын үеэр монголчуудын айдаст дөрөөлөн зарцуулсан мөнгөний задаргаа одоо хэр нь ил болоогүй л байна. Хэрэвзээ цар тахал гараагүй бол “Улаан тариа II ” аянаар монголчууд шившгээ хутгахад бэлдэж, тэмбүүндээ баригдаж, хорвоогийн хамгийн завхай амьтад болж буй талаар Эрүүл мэндийн сайд авхай зарласныг санаж байна уу. Араас нь 1400 оюутнаас шинжилгээ авахад 600 нь тэмбүүтэй байсан талаар сэвсэн. Оюунлаг оюутнуудын нэр хүнд шалаар нэг… Гэтэл хэрэг дээрээ Монголд жилдээ 16 мянган нөхөр бэлгийн замын халдвар өвчин тусдаг бөгөөд түүний 40 хувь нь л тэмбүү гэх албаныхнын тайлбар гарснаар цагаатгагдсан. ХХ зууны эхэнд монголчууд бүхэлдээ, тэр дундаа Богд хаан хүртэл тэмбүүтэй байсныг оросууд улаан тарианы ачаар салгаж өгсөн гэх ичгүүртэй яриа одоо хэр нь амь бөхтэй салхилсаар байна. Бүхэл бүтэн үндэстэн дунд хамаргүй хүн байсан байх л даа. Гэхдээ бүгдээрээ хамаргүй, тэмбүүтэй байсан гэвэл лав худлаа. Адаглаад өвөг эцэг, эмэг эхээ бодсон ч тэр гүтгэсэн, доромжилсон ийм балай юманд итгэдэг эрүүл хүн биднээс өөр байх болов уу?

Гэтэл үндэснийг тэр чигт нь шинжилгээнд хамруулахыг тулд ямар нүсэр зохион байгуулалт, зардал, дэд бүтэц шаардсан ажил болдог  вэ гэдгийг бид цар тахлын үед ашгүй мэдээд авлаа. Гэтэл Монгол даяараа тэмбүүрсэн гэх тэр он жилүүдэд тусгаар тогтнолын төлөөх санал асуулгыг эс тооцвол тийм нүсэр ажил болоогүй төдийгүй монголчууд амаржихдаа ч эмнэлэг бус араг барааддаг асан үед тэр тоог хаанаас, хэн гаргаж ирэв гэдэг нь тун чиг эргэлзээтэй. Бичсэн л бол үнэн гэж магтууг хэлдэг марксист түүх бичлэгт байхыг үгүйсгэхгүй. “Тунгалаг тамир”-аас эхлээд зөндөө зохиолд бий. Харин баримт нь алга. Хаа байна вэ?

Гэхдээ өнгөн дээрээ гэр бүлийн төлөө мэт боловч айл гэрийн авгай, хүүхдийн асуудалд хүртэл оролцсон аймшигтай харгислал үйлддэг, авгайгаа хардаад хүүхэдтэйгээ цөлдөг коммунизмын үед ч тэмбүү байж л байсан. Одоо ч байна. Хойшид ч байх болно. “Улаан тарианы үе эргэн ирж байна” гэж дуу алдвал эргэлз, бод. Дагаад айдаст автахад чинь дарга нар төсвийн мөнгөө тонших төлөвлөгөө боловсруулж бидний сайн сайхны нэрийдлээр “дур тавина”. Дэлхийгээр нэг зарлаад ч болтугай мөнгө гуйхаа мэднэ. Ядаж өөрсдийнхөө үр хүүхэд, хань ижлээсээ ичиж, батлахыг шаардаарай даа. Бүрэг ичимхий өвөг дээдсээ бэлгийн замбараагүй явдалтан, харсан болгонтойгоо хавьтагч болгосонд итгэхвий. Бурханаа больчихсон бугаа дээдэлсэн, үнэнээ нуудаг, өмчөөсөө татгалздаг, үйлийн үрээс эмээдэггүй галзуу он цагийн солиоролд эрх чөлөөт монгол итгэх эсэхийг танд үлдээгээд энэ сэдвийг энд орхиё. “Тунгалаг тамир”-ын Батаас цаашгүй, Алтан ордны улсын байгуулж, Оросыг улс болгож өгсөн Бат хаанаа ч мэдэхгүй шахуу хүмүүс оросыг “Ах” гэж авгайлж, үндэсний, ардчилсан хувьсгалаасаа илүү “Аугаа эх орны дайн” гэж өөриймсөх нь аргагүй биз ээ. Гашуун үнэн гэвэл бид тэднээс гараас мултраад гучхан жилийг үджээ.

 

ӨГҮҮЛБЭРТЭЙ БОДЛОГО: 100 БОЛ 100 БИШ 101 ЮМ. ТЭГВЭЛ 102  ХЭД БОЛОХ ВЭ?

Эргээд сэдэвтээ орьё. Монголд арын хувьсгал 1921 онд болсонтой хэн ч маргахгүй. Хувьсгалын зуун жилийн ойг МАН сүр дуулиантай тэмдэглэхээр зэхэж, ойн медалиа хийлгэж, дагуулах мөнгийг нь зэхээд намын баяраа нэжгэр тэмдэглэв. Үүр болгоныхон үнсэлдэн, тэврэлдсэнийх үү, үйлийн үр нь тэгж таарсан уу, бүү мэд. Маргаашнаас нь цар тахлын халдварын тоо огцом өсөв. Иймээс тэгш ойгоо хойшлуулсан билээ. Тэгэхдээ энэ хувьсгал хэрхэн болов, хэн ямар үүрэгтэй оролцов гэж шинжилсэнгүй. Зүгээр хуучны хуурамч хэтрүүлгээ хэн хүнгүй хэлцгээж байна. Байтлаа Х.Чойбалсан 40 мянган монголыг золиосонд гаргахаас өөр аргагүй байсан гэсэн тэнэг зөвтгөл гаргаж ирэх жишээтэй. Тэгвэл эл хувьсгалыг оросууд зохион байгуулсан баримтаа өөрсдөө нууцаас ил болгочихлоо. Эл баримтад бид биш тэд хийсэн болж таарлаа. Хөөрхийлөлтэй. Бүр зэвүү хүргэм баримт.

1920 оны зун хувьсгалт байгууллагын гишүүдийн хурлаар баталсан нууц харилцааны түлхүүр бичигт “Ардын нам”, “Түшмэдийн нам”, “Ноёдын нам”-ыг тус тусад нь ялган шифрлэсэн намуудыг хаанаас үгүй хийв.  Баримт хөөе. “Оросын Коммунист болшвекуудын нам/ОК(б)Н/-ын төв хорооны Сибирийн товчооны Дорно дахины ард түмний секцийн Монгол-Төвдийн хэлтсийн Коллегийн зохион байгуулах хуралдаанаар коллегийн тэргүүлэгчдийн бүтэц ба Хэлтсийн ажилтнуудын үүргийг хуваарилах тухай хэлэлцсэн 1 дүгээр протокол” 1920 оны наймдугаар сарын 20 гэсэн архивын бичигт Монгол Ардын хувьсгалт намын төлөөлөгч Бодоо, Чойбалсан гэж тэмдэглэн үлдээсэн байна. Байзаараа яагаад “Монгол ардын нам” биш “Монгол ардын хувьсгалт нам” билээ. 1921 онд байгуулсан гээд буй Монгол Ардын нам жилийн өмнө Орост, тодруулбал Эрхүүд Монгол ардын хувьсгалт нам нэртэйгээр байгуулсан болж таарав уу?

Тэгвэл 1920 оны наймдугаар сард гаргасан  Дорно дахины ард түмний секцийн Монгол-Төвдийн хэлтсийн үйл ажиллагааны зарчимыг уншаад нэг үзье. Тэрхүү зарчимд “…Монголын ард түмний үндэсний хөдөлгөөнийг үзэл суртлын талаар эзэмдэж, “Ноёд-лам нарын давхрааг сулруулан ардын хувьсгалын намын нөлөөг хүчтэй болгоход тус дэм өгөх замаар дотоодын нийгмийн ялгарлыг өргөжүүлэх тийш уг хөдөлгөөнийг чиглүүлэх…” гэж тусгасан төдийгүй 1920 оны есдүгээр сарын 16-нд ОК(Б)Н-ын төв хорооны Сибирийн товчооны Дорно дахины ард түмний секцийн тэргүүлэгчдэд Монгол-Төвдийн хэлтсийн эрхлэгч С.Борисовын өргөсөн “Маш нууц” дардастай бичигт Х.Чойалсан, Сүхбаатар нарыг “Монгол-Төвдийн хэлтсийн ажилтан” гэж тодорхойлсон бөгөөд тэдний хүнсний асуудлыг нь шийдэж өгөхийг хүсчээ. Оросын коммунист болшвекуудын намын нууцаас гарсан баримт бичигт Монголд хувьсгалыг хэрхэн хийх, удирдагчдаас нь хэнийг дэмжиж талаар дэлгэрэнгүй өгүүлсэн олон баримтуудтай тааралдах бөгөөд хэнийг дэмжиж, Оросоос тусламж гуйхад ямар нөхцөлтэй байхыг хүртэл нарийн тусгасан байх юм. Үүнийг няцаах баримт харамсалтай нь алга. Харин зохиол, кино хангалттай бий. Үнэн гашуун байдаг хойно, үнэнийг МАН мэдүүлэхийг хүсэхгүй байна. Яагаад гэвэл тэднийг дахиад Оросын гар хөл бологсод гэхээс айж байгаа. Түүнээс илүү аймшигтай зүйл нь бид түүхээ мэдэхгүй өрц рүү өрлөж байсныг өнөөдөр баатрууд, бахархлууд, бидний аврагчид гэсэн хэвээр. Ер нь дарлуулагчийн сэтгэл зүйгээс дагжин чичирсэн янзаараа…

 

ХУВЬСГАЛЫН ДУУН

Х.Чойбалсан, Д.Сүхбаатар марксист түүх бичлэгт дахин шүтдэг нь эртнээс хийсэн ажил аж. Д.Сүхбаатар ямар нэгэн хэмжээгээр сөрөн зогсож, намын эсрэг турхирсан Бошгыг халах залуусыг байранд нь тавьж болохоор түүний үхэл учир битүүлгээр дууссан төдийгүй, шарилыг нь хүртэл тайван орхиогүй гунигт түүх биднийх. Харин Х.Чойбалсан 1952 хүртэл урт наслаад эцэст нь Орост очоод шарил нь ирсэн билээ. МАХН-ыг байгуулж, дотор нь хагаралдуулах тэдний бодлого амжилттай хэрэгжсэн ч эрдэм боловсролоор дээгүүр, хал үзэж хашир суусан намын удирдлагууд хуучнаа төдийлөн үгүйсгэхгүй, асуудалд учир шалтгаантай хандаж байсан нь Коминтернд таалагдсангүй. Тиймээс ч тэдний эсрэг учир мэдэхгүй залуусыг цэнэглээд тавихаар шийдсэн нь “Бошгыг халах залуусын эвлэл” байв. Түүнийг үүсгэн байгуулагч нь мөн л Х.Чойбалсан, Д.Сүхбаатар гэх бол анхдугаар хурлаар нь сонгогдсон дарга бол орчин үеийн утга зохиолын тулгын чулууг түшэлцсэн С.Буяннэмэх байв. Түүнийг бас л үгэнд ороогүй болохоор эвлэл бус намын ажлаа хийдэг, нударганууд нөхөрлөдөг шалтагаар зайлуулж, баривчилсан бол МАН-ын 3-р их хурлын үеэр Солийн Данзангийн хэрэгт холбогдож, 1924 оны наймдугаар сарын 30-ны шөнө хамтдаа цаазлуулжээ.

Ардын журамт цэргийн дуунаас эхлээд хятадыг үзэн ядуулж, Оросыг магтсан дуулсан дуу, шүлэг бишгүй. Хувьсгалын нууц бүлгэмийн гишүүн С.Буяннэмэхийг хороогоогүй шалтгаан нь тэр Ленин багштай биечлэн уулзсан гэх. С.Буяннэмэх ч өөрийгөө Монголын эсрэг үзэлтэн биш гэдгээ батлахын тулд “Улаан нар” шүлгээс эхлээд зүүнтнүүдийг ном, зохиолдоо бишгүй магтжээ.

-Дарлалаас гарсан,

Олон жилээр дарлагдсан монголчуудаа бид

Одоо даруйхан хөгжин босоцгоож

Улаан нарыг мандуулсан

Гуравдугаар Коминтеринийг шүтэцгээе

Өнгөө будаж зүсээ хувилгасан

Үл бүтэх барууны этгээдийг үтэр түргэн үлдэн зайлуулж

Үнэхээр ядуу ардаа тэтгэе!гэх шүлгийн дор “Арван ёсөн онд/1929 он болно/” гэсэн нь үлджээ. Түүнийг мөн л японы тагнуулаар 1937 оны их хядлагаар цаазалжээ.

Гэтэл 100 жилийнхээ ойгоор МАН, Соёлын яам Ардын хувьсгал одоогийн зохиолчдоор магтуулан өндөр шагналтай уралдаан зарлаж бас л оюун санааны удирдагчдыг нөлөөндөө автуулав. Өмнө нь хүчээр тулгадаг байсан бол энэ удаад зүдүү зохиолчдод шагнал амлав. Үр дүнд нь өнөөдрийн бидний гүн ухааны бахархал болсон, Нобельд нэр дэвшигчээр тодорч асан, өөрсдийнх нь шагналыг үгүйсгэгч Д.Урианхай эрхэмийг тэргүүн байранд шалгаруулжээ. Зуун жилийн өмнө суусан, өнөөдөр батажсан хятадыг үзэн ядах сэтгэхүй дээр дөрөөлсөн энэхүү наадмын тэргүүн байрын шүлгийг уншихаас өмнө бид Хятадын дарлалд хэдэн жил, Оросын үгээр хэдэн жил явж, аль цаг хугацаанд нь хэдэн оюун санааны удирдагчдаа хядуулсныг эргэн бодууштай.

 ХАШААНД МИНЬ БУУСАН ЖУНГААНУУДАД…

Хэдэн жунгаа хашаанд минь буугаад

Хээвнэг, хээвнэг алхлан,

Сахлаг ургасан өвс, ногооноос нь

Сандралгүй, юухан нэгийг эрнэ.

Эрсээр, эрсээр олно, хурдан хурдан тоншино,

Эцэлгүй, нисэлгүй, намайг ч тоолгүй,

Их удаан тухлана..

Инээдтэй, ихэмсэг жунгаа шувууд аа. .

Эзэмшил хашаанд нь буугаад,

Эзнийг нь танихгүй байх чинь яах вэ,

Мэнд мэдэхгүй байх чинь ч яахав,

Мэргэдийн манлай Будда, Зонхова, Сократ,

Мэнз, Кунз, Лаоз, Маркс, Эйнштейн,

Чингис хаан, Занабазар гэгээн гэж,

Чи хэзээ ч мэдэхгүй хойно

“Чигчий, эрхий”-тэй нь тэнцэхтэй үгүйтэй

Урианхай гэж мэдэхгүй чинь буруугүй ээ!

Таалж буусан газар шороо чинь

Тагдаганаж алхалж олз олсон

Сахлаг, онгон өвс ногоо чинь, харин

Их Монгол Улсын эзэмшил,-

Миний хайртай хөрс шороо

Мөнхийн үржилт өвс, ногоо шүү,

Тэнгэрт нисэхдээ ч, газарт буухдаа ч,

Бүү мартаарай..

Үргэлж ирж, хашаанд минь бууж байгаарай,

Үр тариаг маань л битгий сүйтгээрэй..

Монгол бид харамын сэтгэлгүй, айлтгүй ээ,

Мориор давхиж дэлхийг айлгасан ч

Шувууд хэзээ ч айлгахгүй,

Хайртай бүгддээ л гагцхүү амиа тавьж,

Хамгаалан тулалдах цаг тулвал,

Баатар зориг, хүчээ

Батлан алалддаг юм шүү,

Дэлхий дээгүүр нисэхдээ

Бусад жигүүртэддээ захиарай..

2021.08.1-2 Д.Урианхай

Зовон зовсон гунигт түүхээ удахгүй бид баяр бахдал болгон ээлжит наадмаа тэмдэглэх болно. Тэд Монголын бахархал руу байгуулагдсан цагаасаа эхлэн дайрч ирсэн. Үр дүнд нь өөрсдийгөө үгүйсгэдэг бусдыг шүтдэг, шар хүний өмнөөс хар болж хятадыг зүхдэг болжээ. Хоёр том гүрний дунд оршин буй бид эхлээд сэтгэл зүйн хувьд тусгаар тогтнох хэрэгтэй бололтой. Тэр хүртэл яг л зуун жилийн өмнөх шиг цусаа урсгадаггүй юм гэхэд хэмлэлдсээр байх бололтой. Монголыг монголоор үгүй хийлгэсэн түүх урд ба хойд зүгийнхэнд хоёуланд нь бий билээ.

 

 

Энэ мэдээнд өгөх таны сэтгэгдэл?
18
ЗөвЗөв
2
ХарамсалтайХарамсалтай
1
ХахаХаха
1
ХөөрхөнХөөрхөн
1
ТэнэглэлТэнэглэл
0
ГайхмаарГайхмаар
0
БурууБуруу
Баярлалаа!

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-06-23 202.179.25.24

Ямар ч эрүүл хүн уншаад ойлгогдохоор зөв юм бичжээ . Энэ 2 орны дунд өвөг дээдэс маань яажүуухан үнэт эрдэнэ болох эрдэмтэн сэхээтэн, эх орончдыгоо золиослон байж ,яажүуухан улс эх орноо авч гарч байсныг яруу тодоор бичжээ . Доор буй малнууд нэг хэсэг нь орос агаагаа хамгаалж , нэг хэсэг нь х***а жунгаагаа өмөөрсөн хүмүүс бол ойлгохгүй байх нь аргагүй.Зөв үнэнийг дуугарвал намуудыг , ард түмнийг нь дунд нь хагаралдуулах комент бичээд тархи угааж мэргэжсэн гарууд дүүрэн .

Avatar

Зочин 2022-06-23 66.181.161.89

МАН/МАХН/ ыг 1920 онд орсууд байгуулсан нь үнэн гэдгийг тодруулах баримт их л байдаг гэдэг юм.

Avatar

Зочин 2022-06-23 213.87.144.154

* Хамгийн сайн тавтай морилно уу секс болзоо сайт — http://gg.gg/11f5ax

Avatar

Зочин 2022-06-23 64.119.19.217

Халдварт өвчин гэдэг чинь нууц үетэй тул санамсаргүй байдлаар тарчихдаг юм. Бэлгийн замаар халдвар тарна гэдэг бол замбараагүй тэнэгүүдийн дунд гал мэт дүрэлзэнэ.

Avatar

J. Erka 2022-06-23 66.181.160.18

"Монголыг монголоор үгүй хийлгэсэн түүх урд ба хойд зүгийнхэнд хоёуланд нь бий билээ" бүү март, мартаж үл болно. Тэхээр хоёр тийшээ дайрах аваас украйн юугаа болж мэднэ. Иймд дотроо хөгжиж, хараат бус болох ёстой. Үүнд эв нэгдэл, шударга байдал, эх оронч байваас Израйл, Скандинавын орнууд шиг болно. Ультра бусад ард түмнүүдийг доош хийж,"агугаа" үндэсний үзэл гаргах нь Монгол ундэстэнг үгүй хийж мэдэх юм шүү … Монголчуудаа

Avatar

Зочин 2022-06-23 202.126.89.193

Нэг иймэрхүү үлгэр ярьсаар л байх юм аа. Хөрштэйгөө харилцалгүй хөгжинө гэж байх аа. Хойд Солонгосын шорон сэтгэхүй гэж энэ байх даа.

Avatar

Зочин 2022-06-23 142.79.202.93

Элбэгээ шээс нь гоожих нь. Өөр хэн л ийм ирваа юм нэр усгүйгээр бичээ аж. Худалчын тухайд, өөрийнх нь гэгдэх энэ сайт хорвоогийн хамаг худалыг түүж бичдэгийг мэдэх нэгэн өчнөөн. МАН худалч нь тэндээ биз. МАН ы эсрэг өчнөөн худалчыг турхирдаг нь энд биш үү? Би яах вэ нэгдэж тэнэгтээ, хоёрдож яаааг юу болсныг үнэн худалын завсраас олчих гээд эдний сайтаар зочилдог хүн.

Avatar

ГАЛЗУУ ХҮНИЙ ӨДРИЙН ТЭМДЭГЛЭЛ ҮҮ ! 2022-06-23 107.116.79.137

ЯГ ЮУ ЯРИАД БАЙГААГ НЬ БАРЬЖ АВАХ ГЭЭД ОГТ БОЛСОНГҮЙ! БОДВОЛ ӨНГӨРСӨНӨӨ ҮГҮЙСГЭЖ БАЙГАА БОЛОЛТОЙ ! АРДЫН ХУВЬСГАЛ ГЭХ ТЭР ДОРОМЖЛОГДСОН МАРТАГДСАН ҮЙЛ ЯВДАЛ НЬ ӨНӨӨДӨР ТА АМЬТАЙ АМЬСГААТАЙ БАЙГААГ БИЙ БОЛГОСОН НЬ ЛАВТАЙ!! ГАЛЗУУ ХҮНИЙ ӨДРИЙН ТЭМДЭГЛЭЛ ШИГ ЮМ БИЧСЭН ИЙМ ЮМ ТАВИХАА ЭНЭ САЙТ БОЛИМООР ЮМ ! АРАЙ Ч ДЭНДҮҮ ЯДАРСАН БИЧЛЭГ ТАВИХ ЮМ ДАА

Avatar

Зочин 2022-06-23 202.9.41.147

Муу муухай болгон арчиллын үр шимээр хүчээ авч ид цэцэглэж байна.

Avatar

өнгө мөнгөнд хууртагдсаар л байх уу гэж.... 2022-06-23 202.126.88.137

надад лав бага байхад хардаг байсан саарал, царай муутай ч гэсэн загварлаг, цамхаг шиг хийцтэй араараа уул цухуйсан, хайрган цутгамал шалтай муу талбай минь л сайхан харагдаж байна. сүүлд нэг хаанахын хужаагаас хэдэн шаазан шил авчирч нялчихаад, хүүхдийн тоглоомын талбайн (шүүмжлэхгээгүй шүү зүгээр урлагийн мэдрэмжээ л хуваалцах гэсэн юм, гоо зүй, улс төрийн харагдах өнцөгөөсөө сонгодог мэдрэмжтэй күн л дээ) арзгар шалавч дэвсчихээд нэг гунигтай түүхийг баяртай болгочихсон юм шиг байх юм.

Avatar

бусдад таалагдах гэж зууныг дэмий барваа хөөрхий, нөгөө хоёр нь тоож байгаа ч юм алга, БИ БИ БИ л гээд зүтгээд байдаг кики 2022-06-23 202.126.88.137

гуниг гэвэл харин тэр л байна даа, өнөөдөр та хэдэн саяын хуванцар хятдад эвлүүлсэн хийсэн утас барилаа гээд танд далавч ургахгүй, та өнөөдөр хэдэн тэрбумын харшид сууж 3 бентли зэрэг жолоодлоо гээд эсвэл эхнэртээ 4 бентли өөртөө 5 харш авлаа гээд гуниггүй байхгүй шд. ойр зуур аар саархан юманд нийгмээрээ л хууртах юм даа. тэгчээд амьдрал минь утгагүй байна гээд архи тамхинд амиа хорлоод нэгнээ буруутгаад. гадна дотны номлол шашин мөнгө алтанд тархидуулаад л хөөрхий хэдэн овоогоо тойрж гүйсээр..

Avatar

гүйгээд л, гүйгээд л, гүйн гүйн гүйсээр нэг л өдөр гүйх чадалгүй болоод "ээ, би юуны төлөө гүйсээр насыг барав аа? гэж уйлна/инээнэ" 2022-06-23 202.126.88.137

дээр үед, дээр үед ч гэж би залуу хүн л дээ, гэхдээ одооны хүмсүүдийг харахад дээр үед л гэхиймдаа, хамраа сөхсөн, алт мөнгө, өнгө төгөргөөр гоёхыг баяраас бусад үед цээрлэдэг байлаа шүү дээ (би жен ц байдаг байгаа шүү). яагад гэхээр утга учир гэж зүйл байсан, хэзээ хаана хэний өмнө өнгөө харуулах уу, ямар байшинг яаж хаана хэрхэн байлгах вэ, яаж будах уу, хэн ордог хэн ойртдоггүй байх вэ гэх мэт. одоо талбай ордон ч нэг амьтны хүрээлэн шиг л байх шивдээ, урд нь нэг хэвсэн юмнууд гэвтээд л…цк3

Avatar

ийм байхаар яаж ч олигтой байхавдэ цк цк цк (аймр гөгшин чаажыну) 2022-06-23 202.126.88.137

нийгмийн байгуулал буюу инстүүц за юу, нөгөө талд нь тэрний үүсэл гарал хэрэглэгч улс соёл гэдэг хоёр юмыг, дээр нь нийгмийн бодлого гэдэг 3 зүйлийг тусд нь ялгаж салгаад өгвөл төрийн бодлого арай уян хатан (диваан дээрээсээ удирдлагын улс төр хийж буйдаа хүлцэл өчье) олон талын нөлөөнд тэсвэртэй, дээрээс нь хөгжиж өөрчлөгдөх чадамжтай, орноо гарнаа, унанаа босноо, тэгэхгүй нэг юманд бүгдийг чихэхээр дэлбэрээд байх шиг санагдхымдаа жен ц өвөөд нь бол. социалист нб, уламжл. улс соёл, ард. бодлого

Avatar

татвар төлж байгаа болохоор хошуу нэмье үү гэсийн киокиокио 2022-06-23 202.126.88.137

угаса нэг л болж өгөхгүй байна гээд бүгд хүлээн зөвшөөрж байгаашд, эвдэх хэрэгтэйшд, өөрчлөх ёстойшд

0 0
Avatar

намайг дэмжээрэй 2022-06-23 202.126.88.137

социалист нийгмийн инстүүц нь иргэдээ суурь эрхээр хангадаг
уламжлалт соёлтой улс нь хүмүүсийн үр удмын сангаа хадгалдаг
ардчилсан нийгмийн бодлого нь зах зээл, хөгжил дэвшлээ бататгадаг

0 0
Avatar

онгод ороод биийнаа ёооноо кококо 2022-06-23 202.126.88.137

хэдий болтол гомдол тээж тэр манай тэрийг тэгсэн энэ манай энийг ингэсэн гэж гоншигонож бөгсөн олбогон дээрээ суух вэ, оройгоосоо авхуулаад ул хүртлээ өмхийрсөн, ялзарсан, хөгцөрсөн бус уу.

хохирогчийн сэтгэхүй гэдэг зүйл төрийн бодлогод хүртэл өсөн дэвжиж өөдлөн тугаа мандуулсан байна
ялагдагчыг өрөвдөх хуурамч хүний хөөрхийллийг хөхөн хөхсөөр хорвоогийн мөнх бусыг үзэхнэ дээ.

хүч гэдэг зүйлийг буруушааж
гомдол, хүлцэнгүйг зөвтгөж
үйлдэгч бус хүртэгч болсноор
мал мал мал, амьд хүн чанараа алд

0 0
Avatar

Сатан Мандтугай! 2022-06-23 202.126.88.137

Шемхамфораш! Ёсоор болог!

0 0
Avatar

Zochin 2022-06-23 103.57.94.228

Baruunii hulsniihen luivraaraa Mongoliig lavtaiya zuun jil sehehgui boltol unagasan. Ayultai n ene tanhaichuud ardchilagch bolj jujigledeg. Uchigdriin yumiig ch gujirdene, Neophashistad bodit tuuh hereggui.

Avatar

Зочин 2022-06-23 202.131.225.197

Бид хэд өөрсдөө л боож үхчихгээд бдгаас биш НҮБ мэт бол манайхыг бараг асуудалгүй улс гэдгийн шд

Avatar

Зочин 2022-06-23 66.181.185.36

zuv bichsen bn orosiin surtal uhuulgand tarhia ugaalgasan malnuud uhej duusaj baij l ene uls hugjih bh shuu,tembuu gedeg uvchin delhiin buh l uls orond baisan odoo ch baisaar l bn,orosd bol bur ih bn shuu

Avatar

Зочин 2022-06-23 202.126.90.57

Элбэгдоржийн Геббельс зохиолоо бичсээр. Мэдээж үнэн юмгүй. Яаж хэдэн хүний нэр олов. Монголчуудаа! Элбэгдорж, Бат-Үүл…мэтийн толгойлсон Эрүүгийнхэн Ял завшсаар, эсрэг дайралтаа хийсээр. Фашистууд л түүх гуйвуулдаг. Тэд дахин самуун дэгдээж цус урсгах гэж байгаа нь ил болоо бусуу. Төр төмөр нударгаа амсуулах цаг болжээ.

Avatar

зочин 2022-06-23 119.40.98.177

Сайн бичиж.
Би ч гэсэн энэ түүхэнд итгэдэггүй.
Манжтай нийлж хятадуудыг 200 жил дарласан байж магадгүй.
Даанч 70 жилийн түүхэнд нь эсрэгээрээ бичигдсэн байдын.

Avatar

Зочин 2022-06-23 24.15.5.204

Bugdeeree.tembuutei.hamargui.ulsuud.baisan.um.bol.yaj.huvisgal.hiij.yluulsan.um.boldoo.gej.bodoj.
uzsenuu.humuusee

Avatar

Зочин 2022-06-23 203.91.115.38

Дажгүй болжээ. Иш чааваас, би уг нь Урианхай гуайг нэг их тоодоггүй. Гэхдээ яахав дээ одоо үедээ нөгөө хэдээ ахлах туршлага, намбатай ганц нь юм гэж бодож явтал энэ одоо юу вэ? Арай дэндэнэ ээ. Үүний оронд дунд сургуулийн сурагчдыг уралдуулчихгүй яав даа. Нэг бол зүгээр 50-иад оны Чойбалсанизмын үеийн сэдвээр уралдаан зарлачихгүй. Хайран хайран, хөөрхий хөөрхий. Лхагвасүрэн гэдэг хүн өнгөрсөн 30 жилд Монголын уран зохиолыг цусанд үйсэн юм. Одоо энэ Урианхай гэдэг хүн…

Avatar

Зочин 2022-06-23 150.129.143.19

ХХ зууны дунд үеийг хүртэл тэмбүүнээс болоод хамаргүй болчихсон хэчнээн хүн хот, хөдөөгүй байсныг энэ бичиглээч мэдэхгүй л дээ. Улсаараа сүйрэх аюулаас улаан тарианы аян аварсан юм шүү дээ. Тэгтлээ үзэн ядаад байгаа оросууд л тэгж аварсан юм шүү. Бодит үнэнийг мэдэхгүй байж мэдэмхийрэх нь тэнэглэл, тэгэхдээ ихээхэн хортой тэнэглэл шүү! Түүхийг үнэн мөнөөр нь мэдье гэвэл ганц хоёр ширхэг материал олж үзсэнээр болдог зүйл биш. Тэр материалуудаас гадна өчнөөн баримт олж үзэж байж ойлгоно.

Avatar

Зочин 2022-06-23 66.181.160.57

тэгээд хятадын дарлалд орсон бол жаргаад байх байсан уу? хятадын дарлалд буй уйгар, түвд, өвөрмонголыг хар. мал нь хүртэл бэлчих газаргүй зовж байна. Монголын оршихуйг үргэлж үгүйсгэдэг хятадуудыг үзэн ядах нь тусгаар тогтнол үндэс угсаагаа хамгаалдаг монгол хүн бүрийн сэтгэлд бат суусан байдаг. тэрнээс биш оросын заавраар үзэн ядаж жигшээд байгаа юм биш. Монголын тусгаар тогтнол, түүхийг үнэн зөвөөр нь бичиж хүндэтгэлтэй хандвал яг л тэгж хандана. бас манжийн түүхийг өмчлөхөө болих учиртай

Avatar

Зочин 2022-06-23 66.181.160.57

Монголын тусгаар тогтнолыг үргэлж үгүйсгэсээр ирсэн хятадуудад зуухан жилийн өмнөөс л дургүй болсон гэдэгтэй монголчууд байтугай хятадууд ч итгэхгүй. энэ нийтэлэлийн гол санаа нь ардын намын ч эсрэг биш, харин Монголчууд зуун жилийн өмнө хятадуудад их сайн хандаж байсан. тиймээс одоо хятадыг магтан дуул. тэгээд дагаар ор гэсэн далд суртал ухуулга бололтой. хятадын зөөлөн хүчний бодлого ингэж л явагдаад байгаа. үүнийг нь мэдэхгүй, мэдсэн ч тоодоггүй, эдийн засгийн ашиг харсан улс төрч, сэтгүүлч..

Avatar

Зочин 2022-06-23 202.126.90.127

ГАЛЗУУ ХҮН БИЧСЭН ЮМ БАЙХ ДАА. ТҮҮНИЙ БИЧСЭНЭЭР ТЭМБҮҮ ТЭНГЭРИЙН ХИШИГ ЮМ БАЙХ ДАА. МОНГОЛ УЛСД СТАТИСТИК ГЭГЧ ЮМ ОГТ БАЙГААГҮЙ ГЭЖ ХААНААС УНШСАН ЭТГЭЭД ЮМ БОЛ ОО. Хүнээ малаа өвчнөө тоолсоор эдгээсээр л ирсэн дээ. ядаж тэр улаан тариаг нь хэдийг аваад хэдэн хүнд тариад хэд нь үлдсэнийг тэр үеийн сувилагч БУМАА ГУАЙ хүртэл мэдэнэ дээ. асуучихгүй тэгсэн бол онигоонд орохгүй байхгүй юу Нараашка минь!

Avatar

Зочин 2022-06-23 66.181.160.57

Монголчууд хятадуудад дургүй байдаг нь зуухан жилийн өмнөөс биш гэдгийг монгол, хятад хоёул мэднэ. Монголын тусгаар тогтнол, хүн ардад маш их гай заналхийлж буй улс бол хятад. хятадын тариачдын байгуулсан мин гэгч харгис бүдүүлэг нөхдийн улс нь оршин тогтнож байх бараг бүх л цаг хугацаандаа Монгол улсыг бүрэн устгахын тулд түрэмгийлэх гэж дайтсан. энэ дайнд өмнөд монголын хүн амын ерэн хувь нь үрэгдсэн гэдэг. хэрвээ Эсэн тайж хятадын их цэргийг хиар цохиж хааныг нь олзлоогүй бол

Avatar

Зочин 2022-06-23 202.70.38.18

ЮУ БИЧЭЭД БАЙГАА ТЭНЭГ ВЭ? ӨӨР ЮМ БОДОХ, БҮТЭЭХ ЧАДВАРГҮЙ ЮМ БАЙХ ДАА.

NewsMN Гар утасны хувилбар Татах
NEWS.mn

Мэдээллийн эх сурвалж