Шатахуун, түлшний үнэ нэмэгдсэн талаар бид өмнө нь мэдээлсэн. Ашигт малтмал, газрын тосны газраас энэ талаар албан мэдээлэл гаргасан байна.

Дэлхийн зах зээл дээр газрын тосны үнэ сүүлийн нэг жилийн хугацаанд тасралтгүй өсч байгаа бөгөөд үүнээс хамаарч ОХУ-ын "Роснефть" компаниас манайд улсад нийлүүлж буй шатахууны хил үнэ мөн нэмэгдээд байна. Тухайлбал, зургадугаар сарын хил үнэ: А-80 автобензин 1174 ам.доллар/тонн, АИ-95 автобензин 1274 ам.доллар/тонн, дизель түлш 1095 ам.доллар/тонн болсон нь өмнөх сараас 49-141 ам.доллароор өссөн үзүүлэлт юм. Энэ нь дотоодын зах зээл дэх шатахууны үнэ өсөх нөхцөл байдалд хүргэж байна.