“McDonald’s” түргэн хоолны сүлжээ ресторан гурван сарын өмнөөс ОХУ дахь үйл ажиллагаагаа зогсоосон. Москвагийн Пушкин талбайд өчигдөр /2022.06.12/ “McDonald’s” шинэ орос эзэн, шинэ нэртэйгээр дахин нээгджээ.

Дайн эхэлсний дараа “McDonald’s” Оросоос бүрмөсөн гарахаар шийдэж, 850 сүлжээгээ бүгдийг нь Александр Говорт зарсан. Сибирь дэх 25 сүлжээ рестораны лицензийг эзэмшдэг тэрбээр хаагдсан салбаруудыг эргэж нээхээр хурдтай ажиллаж эхэлжээ.

Пушкины талбай дахь шинэ салбар нээгдэхээс хэдхэн цагийн өмнө нэр нь зарлагдсан байна. Тодруулбал, "Вкусно и Точка" буюу англи хэлээр “Tasty period” нэртэйгээр дахин нээгджээ. Лого нь өөр боловч алтлаг өнгөт нуман хаалгыг санагдуулам хэлбэр нь төдийлөн өөрчлөгдөөгүй аж. Шар өнгөтэй нэг дугуй болон хоёр гонзгой дүрс нь үхрийн мах, шарсан төмсийг илэрхийлсэн утгатай юм байна. Ерөнхий хэлбэрээр нь харахад М үсгийг илэрхийлсэн хэвээрээ ажээ.

Сүлжээ рестораны ерөнхий захирал Олег Пароев энэ сарын сүүл гэхэд 200 салбар нээхээр төлөвлөж буй юм байна. Түүнчлэн “McDonald’s”-ыг Оросоос гарахаас өмнө ажиллаж байсан 62 мянган хүнийг бүгдийг нь эргүүлэн ажиллуулахаар тохиролцжээ.

An employee takes part in preparations before the opening of the new restaurant "Vkusno & tochka" following McDonald's Corp company's exit from the Russian market in Moscow, Russia June 12, 2022. REUTERS/Evgenia Novozhenina

Эх сурвалж: ALJAZEERA