АНУ даяар хэдэн арван мянган жагсагч буу зэвсгийн тухай хуулийг чангатгахыг шаарджээ. Жагсаалд оролцсон хүмүүс "Би буудуулмааргүй байна" гэсэн уриа лоозон барьсан байв.

АНУ-ын Ерөнхийлөгч Жо Байден эсэргүүцлийн жагсаалыг дэмжиж Конгресст хандан,  Галт зэвсгийн аюулгүй байдлын тухай хууль батлахыг уриалав. Гэсэн хэдий ч хууль эрх зүйн өөрчлөлт хийх боломжийг Бүгд Найрамдах нам үгүйсгэх магадлалтай.

Флоридагийн Парклэнд сургуульд 2018 онд гарсан халдлагаас амьд гарсан хүмүүсийн үүсгэн байгуулсан "Бидний амьдралын төлөө марш" буу зэвсгийн аюулгүй байдлын бүлэглэл Бямба гаригт Вашингтон, Нью-Йорк, Лос Анжелес, Чикаго зэрэг улс даяар 450 орчим жагсаал зохион байгуулна гэж мэдэгдэв.

"Хүмүүс үхсээр байгаа тул улстөрчдийг хойгуур суухыг зөвшөөрөхгүй" гэж тус бүлэг мэдэгдэв.

"Бидний амьдралын төлөө марш" (MFOL) улс төрийн удирдагчдын идэвхгүй байдал америкчуудыг алж байна гэж мэдэгдэв.

MFOL-ийн Удирдах зөвлөлийн гишүүн Тревон Босли "Хүмүүс үхсээр байхад бид тэднийг  хойш суухыг зөвшөөрөхгүй" гэж мэдэгджээ.

Паркландад болсон буудлагаас амьд үлдсэн хүмүүсийн нэг Дэвид Хог Вашингтон ДС-д жагсагчидтай уулзахдаа Увалде хотод хүүхдүүдийн амийг хөнөөсөн нь биднийг уур хилэнгээр дүүргэж, эцэс төгсгөлгүй мэтгэлцээн хийх биш, харин өөрчлөхийг шаардах ёстой гэж хэлэв.

Эх сурвалж:BBC