“Бурхан багшийн чандрыг Батцагаан дуганд зална”

Хуучирсан мэдээ: 2022.06.08-нд нийтлэгдсэн

“Бурхан багшийн чандрыг Батцагаан дуганд зална”

“Бурхан багшийн чандрыг Батцагаан дуганд зална”

Монгол Улс болон Бүгд Найрамдах Энэтхэг Улсын соёлын найрамдалт харилцааны хүрээнд Бурхан багшийн Их дүйчин өдрийн бүх нийтийн баяр амралтын өдөрт зориулан Бурхан багшийн их эрдэнийн "ринсрэл-чандар"-ыг манай улсад залж буй талаар мэдээлэл хийв.

Энэ үеэр Гандантэгчэнлин хийдийн Хамба лам Д.Чойжамц "Зургаадугаар сарын 14-нд Бурхан багшийн Их Дүйчин өдөр болно. Энэ өдөр нь бурхан багш эхийн хэвлийд оршсон, төгс гэгээрсэн, нирваан дүрийг үзүүлсэн гурван өдөр давхцдаг. Уг өдөр буян үйлдэж, нүглийг тэвчдэг. Ганцхан Монгол биш бурхны шашинтай бүх орон энэ өдрийг тэмдэглэж байна. Бурхан багшийн Их Дүйчин өдөрт зориулж хоёр сарын өмнөөс арга хэмжээ зохион байгуулж ирлээ.

Энэтхэг улсаас Бурхан багшийн ариун чандрыг залж ирж буй. Бурхан багшийг таалал төгссөний дараа чандрыг нь найм хувааж улс орнуудад тараасан. Дөрвөн ринсрэл Монгол оронд заларч байгаа нь буянтай үйл болж байна.

Энэхүү ариун чандар заларсан газар болгонд амгалан жаргалан үүсэж, сайхан болдог гэдэгт итгэдэг. Энэтхэг улстай 2000 жилийн өмнөөс найрсаг харилцаатай байсан. Бурхан багшийн чандар зургаадугаар сарын 14-нөөс хойш 11 хоногийн турш Гандантэгчэнлин хийдийн Батцагаан дуганд залагдана. Хүссэн хүн бүр ирж мөргөх боломжтой. Энэ насанд битгий хэл олон төрөлд олдохгүй, асар их буянтай бурхан багшийн лагшинд хүрсэнтэй ижил буян юм. Төгс гэгээрсэн бурхны лагшинд мөргөх боломж гарч байна. 1995 онд Бурхан багшийн чандар манай улс заларч байсан.  Чойжин ламын сүмд заларч байдаг Бурхан багшийн шүдийг Энэтхэгээс ирж буй чандартай хамт Батцагаан дуганд залж, Монголын ард түмэн нийтээрээ мөргөж, асар их буян хураах боломж гарч байгаа юм" гэсэн мэдээллийг өглөө.

Б.ЭНХСАНАА 

Энэ мэдээнд өгөх таны сэтгэгдэл?
101
ТэнэглэлТэнэглэл
11
ЗөвЗөв
1
ХахаХаха
1
ГайхмаарГайхмаар
1
БурууБуруу
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж