“Эрдэнэс Монгол” бүтцийн өөрчлөлт хийж, орон тоогоо цөөлжээ

Хуучирсан мэдээ: 2022.06.08-нд нийтлэгдсэн

“Эрдэнэс Монгол” бүтцийн өөрчлөлт хийж, орон тоогоо цөөлжээ

“Эрдэнэс Монгол” бүтцийн өөрчлөлт хийж, орон тоогоо цөөлжээ

Засгийн газраас “Эрдэнэс Монгол” компанийн үйл ажиллагааг сайжруулах, орон тоогоо цомхон болгож, үр ашигтай ажиллах чиглэлийг удаа дараа өгч байсан. Учир нь төрийн өмчит компаниудад ялсан намын гишүүд, эрх мэдэлтэн, улс төрчид, тэдний хамаатан садан үр хүүхдүүдийн “шахаа”-аар олон орон тоог нэмж, бүтцээ томруулдаг байдал хавтгайрсан. Тиймээс ч Засгийн газраас төрийн өмчит компаниудыг үр ашигтай ажиллуулахын тулд орон тоог цөөлөх чиглэл өгсөн. Үүний дагуу “Эрдэнэс Монгол” компанийн ТУЗ тавдугаар сарын 31-нд хуралдаж, нилээд олон “шахаа”-ны хүмүүсийг цөөлжээ.

“Эрдэнэс Монгол”-ийн ТУЗ энэ удаагийн цомхотголд тендерийн асуудалд нэр нь холбогдсон, ажилдаа ирдэггүй, өндөр цалинтай ч ажлын бүтээмжгүй, мэргэжлийн бус, нарийн мэргэшсэн албан тушаалд ур чадварын дутагдалтай гээд “асуудал” ихтэй хүмүүсийг албан тушаалаас нь чөлөөлсөн байна.  Үндэсний баялгийн сангийн хуультай холбоотой "Эрдэнэс Монгол" компани дээр төрийн өмчийн уул уурхайн компаниуд төвлөрч, зэс, өнгөт металлын групп ашигт малтмалын групп гэх мэт нэгдсэн бодлого төлөвлөлтөөр ажиллахад мэргэжлийн чадварлаг хүмүүс ажиллах шаардлагатай тухай салбарын сайд нь ч хэлж байсан юм.

“Эрдэнэс Монгол” ХХК өнгөрсөн 15 жилийн хугацаанд найман гүйцэтгэх захирлын нүүр үзжээ. Үе үеийн захирлууд нь мэргэжлийн бус, чадвар дутуу хүмүүсийг салбарын чухал албан тушаалуудад томилж хууль бус үйлдлээр хувьдаа мөнгө завших, төсөл хөтөлбөр хэрэгжүүлэх нэрээр ойр тойрны найз нөхөд, төрөл саднаа ажиллуулж төслийн мөнгө үргүй зарцуулах, тендер будлиантуулж ажил цалгардуулдаг гээд асуудал дагуулсаар ирсэн. Өнгөрсөн жилээс эхэлсэн АТГ, аудит гээд хууль хяналтын байгууллагуудын шалгалтаар олон улсын төсөл хөтөлбөрийн хэрэгжилт, худалдан авалт, тендертэй холбоотой  маш их зөрчил илэрч байгаа гэх.

“Эрдэнэс Монгол” ХХК удирдлагуудын гаргасан бүцийн өөрчлөлт, орон тоогоо цөөлж байгаа нь Засгийн газрын хүсч буй үр ашигтай зохицуулах эсэхийг харах л үлдлээ.

Ш.ЧИМЭГ

Энэ мэдээнд өгөх таны сэтгэгдэл?
9
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж