Монголын дөрвөн бөх медалийн төлөө барилдана

Хуучирсан мэдээ: 2022.06.04-нд нийтлэгдсэн

Монголын дөрвөн бөх медалийн төлөө барилдана

Монголын дөрвөн бөх медалийн төлөө барилдана
Д.Отгонжаргал

Болат Турлыхановын нэрэмжит бөхийн төрлүүдийн дэлхийн чансааг олгох тэмцээн Казахстаны Алматы хотод эхэлсэн билээ. Өчигдөр/2022.06.03/ тэмцээний эхний өдөр сонгомол бөхийн 72, 77, 82, чөлөөт бөхийн 57, 62, 68, 76 кг-ын жингийн урьдчилсан болон шигшээ барилдаан болов.

Эхний өдөр гурван медаль хүртсэн

Манай улсаас эмэгтэй дөрвөн бөх барилдснаас нэг мөнгө, хоёр хүрэл медаль хүртлээ. 68 кг-ын жинд 2021 оны Азийн аварга З.Болортунгалаг мөнгө, 62 кг-д “Осло-2021” ДАШТ-ий хүрэл медальт, Э.Гантуяа, 68 кг-д Азийн АШТ-ий нэг мөнгө, хошой хүрэл медальт Э.Дэлгэрмаа нар хүрэл медалийн эзэн болов. 68 кг-д медальтнууд гурван биенээ тойрч ялсан ч оноо тоолоход Азийн хошой аварга Энэтхэгийн Дивья Какран тэргүүлсэн юм. Харин 57 кг-д барилдсан ОУХМ Х.Болортуяа медаль хүртэж чадсангүй.

Өнөөдөр эрэгтэйчүүдийн 92, 97, 125, эмэгтэйчүүдийн 50, 53, 55, 59, 65, 72 кг-ын жингийн урьдчилсан болон хагас шигшээ барилдаан боллоо. Хүч үзсэн манай дөрвөн бөх бүгд медалийн төлөө барилдахаар шалгарлаа.

Тодруулбал, эмэгтэйчүүдийн 50 кг-ын жинд Азийн АШТ-ий мөнгөн медальт Ц.Намуунцэцэг, 53 кг-д олимп, ДАШТ-ий хүрэл медальт ОУХМ Б.Болортуяа нар шигшээд шалгарч, эрэгтэйчүүдийн 125 кг-д "Осло-2021″ ДАШТ-ий хүрэл медальт М.Лхагвагэрэл, 50 кг-д Осло-2021" ДАШТ-ий хүрэл медальт Д.Отгонжаргал нар хүрэл медалийн төлөө барилдах юм.

Медалийн төлөөх барилдаан манай цагаар 20:00 минутад эхэлнэ.

Энэ мэдээнд өгөх таны сэтгэгдэл?
7
ЗөвЗөв
3
ТэнэглэлТэнэглэл
2
ХөөрхөнХөөрхөн
1
ГайхмаарГайхмаар
1
ХарамсалтайХарамсалтай
1
БурууБуруу
0
ХахаХаха
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж