Ерөнхийлөгч Жо Байден галт зэвсэг оролцсон алан хядлагыг зогсоохын тулд өндөр хүчин чадалтай болон гар бууг хориглох ёстой гэж мэдэгдэв. Цагаан ордноос ард түмэндээ хандан хэлсэн үгэндээ  Байден Америк  өдөр бүр зэвсгийн хэрэг гардаг талбар болсон гэж мэдэгдэв.

Хэрэв Конгресс зэвсгийг хориглож чадахгүй бол түүнийг худалдаж авах насыг 18-аас 21 болгон нэмэгдүүлэхийг хичээх ёстой гэж тэрбээр үзэж байна.

Мөн өөрийн хэлсэн илтгэлдээ, хууль сахиулах байгууллагууд аюултай гэж үзсэн бүх хүнээс зэвсгийг хураан авах, эзэмшүүлэхгүй байх боломжийг олгох хэрэгтэй гэв. Үүнээс гадна галт зэвсгийг борлуулах тохиолдолд холбооноос суурь шалгалт авах хэрэгтэй аж.

Гэхдээ Конгрессын буу зэвсгийн хяналтын аливаа арга хэмжээг батлах хэтийн төлөв тодорхойгүй байгаа. Тиймээс  АНУ-ын Дээд шүүх америкчуудын буу зэвсгийн эрхийг өргөжүүлэхээр төлөвлөж магадгүй юм.

Тус улсад өдөр бүр зэвсгийн хядлага гардаг. Байденг Цагаан ордноос үг хэлж байх хооронд мөн аллага гарсан байна. Висконсин мужийн Расин хотын оршуулгын газарт халдлага гарч олон хүн амь насаа алджээ. Хувийн буу эзэмших эрхийг АНУ-ын Үндсэн хуулийн хоёрдугаар нэмэлт, өөрчлөлтөд тусгасан байдаг тул нэмэлт өөрчлөлт оруулахаар засгийн газар ажиллана гэв.

Бууны хүчирхийллийн архивын мэдээлснээр энэ он гарсаар 233 удаа олныг хамарсан буудлагын хэрэг гарсан байна. Энэ нь буудсан этгээдийг эс тооцвол дөрөв ба түүнээс дээш хүнийг буудаж хөнөөсөн үйлдлийг бөөнөөр нь буудах явдал гэж тодорхойлсон.

Эх сурвалж: BBC