Хот хоорондын нийтийн зорчигч тээврийн тарифыг өнөөдрөөс /2022.6.1/ эхлэн нэмж буй талаар Авто тээврийн үндэсний төвөөс мэдээллээ.

Өмнө мөрдөгдөж байсан үнэ тарифийн хувьд зах зээлийн үнийн өсөлттэй уяалдахгүй байгаа аж. Учир нь зам тээврийн хөгжлийн сайдын 2019 оны 374 дугаар тушаалаар нэг хүн км өртгийг 60-75 төг байхаар тогтоосон байдаг. Уг жишиг тарифыг тогтоохдоо нэг литр түлш 2430 байхад тогтоосон юм.

Харин одоо  дизель түлшний үнэ даруй 3000 давсан тул нийтийн тээврийн үнийг нэмсэн байна. Хот хоорондын замын зардал задаргаа нь  түлш болон бусад эвдрэл гэмтлийн төсөвд оролцдог аж. Өнөөдрөөс мөрдөх үнэ тариф нь тухайн жишиг тарифын хүрээнд дээд хязгаарт хүргэж байгаа болно.