АНУ-ын ерөнхийлөгч Жо Байдены засаг захиргаа өнгөрсөн Баасан гаригт Украин руу MLRS, бүр M31 GMLRS пуужингийн систем илгээх шийдвэр гаргасан гэж эх сурвалжуудын мэдээллээс иш татан “The New York Times” мэдээлжээ.

Тэдний нэгний хэлснээр, Америкийн MLRS ирэх долоо хоногт зарлахаар төлөвлөсөн Украинд үзүүлэх цэргийн тусламжийн дараагийн багцад багтаж буй юм байна.

Гэвч Пентагон өнгөрсөн Баасан гаригт “АНУ Украинд MLRS нийлүүлэх эцсийн шийдвэрээ хараахан гаргаагүй байна” гэж мэдэгджээ. Америкийн хэвлэлүүд ч Цагаан ордон мөргөлдөөнийг хурцатгахгүйн тулд пуужингийн систем нийлүүлэх эсэхээ зарлаагүй" гэж мэдээлэв.

Эх сурвалж: TASS