Хүчит бөхийн барилдаан, үндэсний шагайн харвааг “Монгол бөх-өв соёлын төвийн “ тэргүүн Л.Жаргалсайхан, АНУ-дахь Биеийн тамир, спортын салбар хорооны дарга Г.Амарсанаа, “Чикаго орчмын Монголчуудын холбоо“-ны Удирдах зөвлөлийн гишүүн С.Баяржаргал, “АНУ-дахь Монгол үндэстний төв”-ийн тэргүүн Б.Гандэлгэр нар хариуцаж байна.

Наадмын оройн шоу тоглолт, “Дээлтэй Монгол наадам” -ийг Чикаго хот дахь Урлагийн ажилтны холбооны тэргүүн Ш.Хулан хариуцан ажиллаж байгаа бол бусад ерөнхий зохион байгуулалт, дэд бүтэц, санхүү бүрдүүлэх ажлыг “Нэгдсэн Монгол” ашгийн бус байгууллагын удирдах зөвлөлийн тэргүүн А.Цог, наадмын ажлын хэсгийн нарийн бичгийн даргаар “Монгол Бридж” байгууллагын үүсгэн байгуулагч Т.Чулуунцэцэг нар ажиллаж байна.

“Монгол Наадам-Чикаго 2022” баяр наадмыг зохион байгуулах энэхүү ажлын хэсгийг дэд консул Ц.Ганзориг хариуцан, Консулын газар наадмын зохион байгуулалтыг дэмжин ажиллаж байна.

Монгол наадмыг ЮНЕСКО-д хүн төрөлхтний биет бус соёлын өвөөр 2010 онд бүртгэсэн. Энэ нь сав ертөнцөө гүн таньж, зохицон амьдарсан нүүдэлчдийн биет, биет бус өвийг хадгалах, хамгаалах, хойч үедээ өвлүүлэн уламжлуулах хүндтэй үүрэг гэж ойлгож болно.

Өв соёлоороо бахархан наадаж, Монгол уламжлалт соёл, зан заншлаа хадгалж, хамгаалж, амьдран буй улс орондоо сурталчилан таниулах эрхэм үйлст хүн бүрийг урьж байна.

Тулгар төрийн 2231, Их Монгол Улс байгуулагдсаны 816, Ардын хувьсгалын 101 жилийн ойн үндэсний их баяр наадмын

“Монгол Наадам-Чикаго 2022 “ хөтөлбөртэй танилцана уу.