Төв банк "Чингис хаан" банкны зээлийн барьцаатай холбоотой мэдэгдэл гаргав | News.MN

Төв банк "Чингис хаан" банкны зээлийн барьцаатай холбоотой мэдэгдэл гаргав

Төв банк "Чингис хаан" банкны зээлийн барьцаатай холбоотой мэдэгдэл гаргав

Төв банк "Чингис хаан" банкны зээлийн барьцаатай холбоотой мэдэгдэл гаргав

Монголбанк "Чингис хаан" банкны зээлийн барьцаатай холбоотой мэдэгдэл гаргасан байна. Тус мэдэгдэлд:

"Сүүлийн үед нийгмийн цахим сүлжээ, зарим хэвлэл мэдээллийн хэрэгслээр "Чингис хаан" банкны зээлийн барьцаанд хураагдсан хүнсний агуулахыг хэт өндрөөр үнэлэн, Нийгмийн даатгалын ерөнхий газрын өр төлбөрт тооцон, шилжүүлэх ажилд Монголбанк оролцож байгаа мэтээр буруу ташаа мэдээ, мэдээлэл тараах боллоо.

Монголбанк нь Төв банкны тухай хууль болон Банкны тухай хуулийн дагуу банкны үйл ажиллагааг бодлого зохицуулалтаар хангаж, түүнд хяналт тавьж ажилладаг. Энэхүү чиг үүргээ хэрэгжүүлэхдээ барьцаа хөрөнгөөр зээл төлүүлэх, түүний үнэлгээг тогтоох, хураагдсан хөрөнгийг захиран зарцуулах зэрэг банкны дотоод шийдвэр гаргалтад оролцдоггүй. Харин харилцагчаас зээлийн төлбөрт санал болгож буй томоохон хөрөнгийн үнэлгээг мэргэжлийн байгууллагаар тогтоолгох шаардлага тавьж ажилладаг.

Банк зээлдэгчтэй харилцан тохиролцож, түүний хөрөнгийг өөрийн өмчлөлд шилжүүлэх замаар зээлийн үүргийн гүйцэтгэл хангуулах, тухайн хөрөнгийг худалдан борлуулах арга хэмжээ авах нь олон улсын санхүүгийн зах зээлд түгээмэл хэрэглэгддэг, нийтлэг харилцаа юм.

Банкны салбарын хувьд энэхүү харилцааг Монголбанкны ерөнхийлөгч, Сангийн сайдын 2017 оны арваннэгдүгээр сарын 24-ний өдрийн А-294/340 дугаар хамтарсан тушаалаар батлагдсан “Банкны нягтлан бодох бүртгэлийн заавар”-ын 4.5 дахь хэсэг, 2019 оны зургадугаар сарын 10-ны өдрийн А-155/134 дүгээр хамтарсан тушаалаар батлагдсан “Активыг ангилах, активын эрсдэлийн сан байгуулж, зарцуулах журам”-ын 2.5 дахь хэсгээр тус тус зохицуулсан.

Тус банк агуулахыг зээлийн төлбөрт тооцон авахдаа хөндлөнгийн байгууллагаар үнэлгээг гаргуулсан бөгөөд холбогдох журам, зааврын хүрээнд хийгдсэн банкны дотоод үйл ажиллагаа, зээл төлүүлэх, хөрөнгө худалдах хэлцэлд Монголбанк хөндлөнгөөс оролцоогүй болохыг мэдэгдэж байна" гэжээ.

Эх сурвалж: МОНГОЛБАНК
Б.ЖАРГАЛ

Энэ мэдээнд өгөх таны сэтгэгдэл?
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-05-20 213.87.160.49

^^^^^^^ Шилдэг тавтай морилно уу секс болзоо сайт — http://Hot24.pw

Avatar

Зочин 2022-05-20 150.129.140.55

ИНГЭЖ МУУХАЙ АМИА ХООХОЙЛООД БАЙВАЛ МОНГОЛ БАНК ГЭЖ БАЙХ УТГА АЛГААА. Лахгвасүрэнг үтэр хурдан соль

Avatar

mgl 2022-05-20 103.57.95.105

худлаа даа хахууль аваад хэт өндөр үнэлгээ гаргуулчихсан байгаа, бид энэ амьдрал дунд нь байна, хаа сайгүй хахууль өгч авч байдаг шүү дээ.

Avatar

Зочин 2022-05-20 202.126.90.46

Өчигдөр их хурал дээр монгол банкны дэд ерөнхийлөгч гэж нөхөр мөн их ууртай байнаа. Оюун – Эрдэнэ хамгаална гэж сонсчихоод тэгж байгаа даа

Avatar

Зочин 2022-05-20 202.126.90.46

Хөндлөнийн байгууллага нь 4 тэрбумын хөрөнгийг 25 тэрбумаар үнэлсэн байна. Одоо үнэлгээний байгууллага л буруутай гэхдээ тэр нь төлбөрийн чадваргүй гэж кино дуусна

Avatar

зочин 2022-05-20 64.119.25.179

Монголбанк нь Төв банкны тухай хууль болон Банкны тухай хуулийн дагуу банкны үйл ажиллагааг бодлого зохицуулалтаар хангаж, түүнд хяналт тавьж ажилладаг. ЭНЭ ҮҮРГЭЭ ХЭРЭГЖҮҮЛЭЭЧ ЭЭ БҮР ТАГ МАРТСАН ЮМ БИШ ҮҮ

NewsMN Гар утасны хувилбар Татах
NEWS.mn

Мэдээллийн эх сурвалж