Хүүхдийн баяраар "Хүүхдийн ертөнц-2022" фестиваль болно

Хуучирсан мэдээ: 2022.05.19-нд нийтлэгдсэн

Хүүхдийн баяраар "Хүүхдийн ертөнц-2022" фестиваль болно

Олон улсын хүүхдийн эрхийг хамгаалах өдрийг тэмдэглэн өнгөрүүлэх хүрээнд Нийслэлийн ЗДТГ, Монголын Хүүхдийн ордон, Хүүхдийн сан, "Эм Си Пи" ХХК хамтран П.Гэндэний гудамж буюу "Баянгол" зочид буудлын автозамын уулзвараас "Шангри-Ла Молл"-ын хойд уулзвар хүртэлх 500 м авто замын хөдөлгөөнийг 2022 оны зургадугаар сарын 1-ний 08:00-20:00 цагийн хооронд хааж, “Хүүхдийн ертөнц-2022” баярын фестиваль зохион байгуулахаар болсон байна.

Тус арга хэмжээний хүрээнд Монголын Хүүхдийн ордны авьяаслаг сурагчдын тоглолтууд, хүүхдүүд, өсвөр үеийн сонирхолд нийцсэн өвөрмөц тохижилт бүхий гудамж, талбай бий болгох, 2-3 тайз засагдаж, цаг тутмын үзвэр, тоглолтууд, гудамжны явуулын хоол үйлчилгээ, 30 гаруй асарт төрөл бүрийн сонирхолтой худалдаа, үйлчилгээнүүд явагдах ажээ.

Мөн баярын парад, флашмоб, нээлттэй дуулах микрафон, өвөрмөц хувцаслалтын үзүүлбэр, видео спортын уралдаан тэмцээнүүд зохиогдохоор бэлтгэл ажил явагдаж буй. Энэхүү фестивальд дэмжиж оролцох аж ахуйн нэгжүүдийн бүртгэл явагдаж байгаа аж. Улаанбаатар хотод анх удаа зохиогдох энэхүү фестиваль, арга хэмжээг дэмжиж, үйл ажиллагаанд бүтээгдэхүүн, үйлчилгээгээ сурталчлан оролцох, ажилагсдынхаа гэр бүл, хүүхдүүдийг урьж оролцуулах, хамруулах боломжтой юм байна.

Дэлгэрэнгүй мэдээллийг 324603, 80011733, 88701407 утсаар холбогдож авч болох юм.

Энэ мэдээнд өгөх таны сэтгэгдэл?
6
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж