Мексикийн Тихуана хотоос АНУ-ын Сан Диего дахь агуулах руу холбогдсон хар тамхи зөөвөрлөдөг  асар том хонгил олджээ. Тус хонгил 1744 фут (531 метр) урттай ба  төмөр зам, цахилгаан, агааржуулалтын системтэй байв. АНУ-ын холбогдох эрх баригчид өмнө нь тус хонгилд хар тамхи хадгалдаг байж болзошгүй хэмээн хяналт тавьж, судалгаа явуулж байсан. Тэгвэл тавдугаар сарын 13-нд сэжигтэй хөдөлгөөн илэрснээр мөрдлөгө  явуулсан байна. Мөрдлөгийн  дүнд кокаин, метамфетамин, героин зөөж байсан зургаан хүнийг баривчилж, хар тамхинуудыг хураан авчээ.

АНУ-ын Калифорнийн өмнөд дүүргийн прокурорын газраас мэдээлснээр хонгил нь 61 фут (18 метр) гүн, 4 фут (1 метр) диаметртэй байв. Прокуроруудын хэлснээр, илрүүлэлт гарахаас өмнө офицерууд 5-р сарын 13-ны Баасан гаригт Тихуана дахь үл хөдлөх хөрөнгө болон агуулахаас хэд хэдэн машин ирж, гарч байхыг харсан. Дараа нь тус машинуудыг зогсоож, нэгжлэг хийснээр  хар тамхи хураан авч, баривчилжээ.

 Өмгөөлөгчийн газар 1,762 фунт (799 кг) кокаин, 164 фунт (74 кг) метамфетамин, 3,5 фунт (1,5 кг) героин хураан авсан гэж мэдэгдэв. Сэжигтнүүд 31-55 насных байсан ба гэм буруутай нь нотлогдвол бүх насаар нь шоронд хоригдож, нэг сая долларын торгууль оногдуулна. АНУ-ын хуульч Рэнди Гроссман "Энэ хар тамхины хонгилын төгсгөлд гэрэл байхгүй" гэж хэлэв. "Бид хууль бус хар тамхи манай гудамжинд хүрч, гэр бүл, олон нийтийг сүйрүүлэхгүйн тулд олсон газар доорх хайр наймааны зам бүрийг устгана" гэв.

Эх сурвалж: BBC