Байдены засгийн газар АНУ-ын инфляцийг зохицуулахын тулд баячуудаас татвар авах төлөвлөгөөгөө танилцуулсан. Энэ асуудалтай холбоотойгоор Амазоны үүсгэн байгуулагч Жефф Безос болон Цагаан ордон хооронд зөрчил үүсээд байна.

Жефф Безос өчигдөр /2022.05.16/ инфляцийн асуудал дээр олон нийтийг төөрөгдөлд оруулж байна гэж ерөнхийлөгч Жо Байденг хатуу шүүмжлэв. Корпорациуд болон баячуудын татварыг нэмэх нь хэрэглэгчийн зардлыг бууруулна гэдэг дээр Безос санал нийлэхгүй байна. Харин Цагаан ордны зүгээс Жефф Безосыг өөрийнхөө эд хөрөнгийг хамгаалах гэж оролдож байна гэлээ.

“Дэлхий дээрх хамгийн баян хүмүүс яагаад гэр бүлүүдэд тулгардаг хамгийн том зардлыг бууруулж, инфляцитай тэмцэх дундаж давхаргын эдийн засгийн хөтөлбөрийг эсэргүүцдэгийг ойлгож ядаад байх зүйл үгүй.

Ерөнхийлөгч хамгийн баян татвар төлөгчид болон корпорациудаас зохих хувиа төлөхийг хүссэнээр алдагдлыг бууруулж байна” гэж Цагаан ордны хэвлэлийн төлөөлөгч Эндрю Бэйтс хэлэв.

Ерөнхийлөгч Жо Байден "Амазон" зэрэг компанийг оролцуулсан ажил олгогчидтой уулзсаны Безос энэ талаар жиргэжээ. Засгийн газар инфляцийг хөөрөгдөж буй урамшууллын бодлогоос ард иргэдийг сатааруулахыг оролдож байна гэж Безос хэллээ. Түүнчлэн үйлдвэрчний эвлэл болон чинээлэг хүмүүс аль аль нь инфляци үүсгэдэггүй гэж тэр онцлов.

Эх сурвалж: REUTERS