Агаар мандал ажиглах зориулалттай зохион бүтээсэн Хятадын хөвөгч хөлөг Ням гаригт 9032 метрийн өндөрт гарч дээд амжилт тогтоожээ. Хөлөг Төвөдийн өөртөө засах оронд ийн хөөрсөн байна.

Хятадын Шинжлэх ухааны академийн Агаар мандлын мэдээлэл, судалгааны хүрээлэнгийн бүтээсэн "Жиму №1" хөвөгч агаарын хөлөг нь 9060 шоо метр эзэлхүүнтэй. Хөвөгч агаарын хөлөг нь бүс нутгийн усны эргэлт болон агаар мандлын найрлагын өөрчлөлтийг хянахад шаардлагатай мэдээлэл цуглуулах юм.

Хятадын Чинхай-Төвдийн өндөрлөгийн  шинжлэх ухааны судалгааны ажлын хүрээнд уг төслийг хэд хэдэн судалгааны байгууллагын 64 эрдэмтэн хамтарч гүйцэтгэжээ.

"Хөвөгч онгоц нь Чинхай-Төвдийн тэгш өндөрлөгийн усны эх үүсвэрийн талаар амин чухал мэдээлэл өгч, цаг уурын өөрчлөлтийн үед ус, экологи, хүний ​​үйл ажиллагааны гинжин хэлхээний үр дагаврыг арилгахад хувь нэмэр оруулна" гэж судалгааны багийн ахлагч академич Яо Тандун хэлэв.

Эх сурвалж: XINHUA