Элсэн говийг ногооруулах эко төсөл хэрэгжиж эхлэв | News.MN

Элсэн говийг ногооруулах эко төсөл хэрэгжиж эхлэв

Элсэн говийг ногооруулах эко төсөл хэрэгжиж эхлэв

Элсэн говийг ногооруулах эко төсөл хэрэгжиж эхлэв

Монгол орны нутаг дэвсгэрийн 76 хувь газрын доройтолд өртөж, цөлжилтийн харанга дэлдээд удаж байгаа билээ. Өөрөөр хэлбэл, өмнийн говь болон дорнын говиуд, Их нуруудын хотгор цөлжилтөд нэрвэгдэж буйг эрдэмтэд судлаачид хэлж, сануулах болсон.

Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх НҮБ-ын Ерөнхий Ассамблейн 76 дугаар чуулганд оролцох үеэрээ “Монгол Улс 2030 он гэхэд нэг тэрбум мод тарина” гэсэн амлалт өгсөн нь бий. Энэхүү амлалтын хүрээнд “Тэрбум мод” төслийг Монгол орон даяар хэрэгжүүлэхээр болсон юм.

Жил бүрийн тавдугаар сарын 15-нд бүх нийтээр мод тарьдаг уламжлалтай. Энэ хүрээнд Батлан хамгаалахын сайд Г.Сайханбаяр Дорноговь аймгийн Зүүнбаян суманд мод үржүүлгийн газар байгуулах зорилгоор Зэвсэгт хүчний 336 дугаар ангитай хамтран эхний суулгацуудаа тарьсан юм.

Тэрбээр “Өнөөдөр харахад хоосон цагаан газар байгаа боловч бид дэд бүтцийг нь тавина. Худагжуулна, услалтын систем байгуулна. Нийт хоёр га газар өвлийн хүлэмжлүүлэлт хийнэ. Бүрэн хэмжээгээр хашаажуулна. Услалтын системийг 2-3 төрлөөр хийнэ. Говьд ургах боломжтой амьдрах чадвартай, тэсвэртэй, ялангуяа хайлааст, заг үрслүүлж, ургуулах, үржүүлэх ажил хийнэ. 2024 оны хавраас жилд дунджаар 1.9 сая үрслүүлэг модыг бусад үржүүлгийн газрууд, ангиуд руу шилжүүлэн суулгах нөхцөл бүрдүүлнэ. Говийн бүсийн хөрсний судалгааг манай мэргэжилтэнүүд нарийн сайн хийсэн.

Түүнчлэн мод үржүүлгийн ажил хийхээс гадна экологийн сургалтын төвийг давхар байгуулна. Тавантолгой, Зүүнбаян чиглэлийн 416.1 км төмөр замын бүтээн байгуулалтыг элсний нүүдлээс хамгаалах зорилгоор ногоон байгууламж ногоон зурвас байгуулахад дээрх үржүүлгийн мод ашиглана. Мөн авто зам дагуу ногоон байгууламж барихаар төлөвлөсөн. 2030 онд гэхэд 27 сая модыг тарьж ургуулна гэсэн зорилттой байна" гэсэн юм.

“Мод үржүүлэг-Агро экологийн сургалтын төв”, мод үржүүлгийн газруудыг 2022 оноос 2024 он хүртэл үе шаттайгаар байгуулснаар 2024 оноос эхлэн жилд 9.5 сая ширхэг тарьц, суулгац бэлтгэж нийлүүлэх боломжтой болох аж.

Тус төвд 2022-2023 онд 16 нэр төрлийн 2.2 сая ширхэг мод, бут сөөгийг тарих аж. Мөн 2025 оноос жилд 1.9 сая ширхэг тарьц, суулгац нийлүүлэх аж. Зэвсэгт хүчний 336 дугаар ангид байнгын байрлалд ногоон байгууламж бий болгох зорилгоор “Сэрүүн Дунбарай” ХХК-тай гэрээ байгуулж, хамтран ажилласнаар нарс, хар мод тус бүр 20, голт бор, өрөл тус бүр 50, улиас 300, буйлс болон шар хуайс 1000, хайлаас 2400 ширхгийг тарьж ургуулахаас гадна 4151 кв.м талбайг зүлэгжүүлэх юм байна.

Ийнхүү элсэн говийг ногооруулж, цөлжилтөөс эх орноо аврах нэг том төсөл ийнхүү хэрэгжиж эхэллээ. Ингэснээр Монголын эдийн засаг, монголчуудын эрүүл мэндэд ч ач холбогдол өгнө, энэхүү төслийг дагаад ажлын байр нэмэгдэнэ зэрэг эерэг үр дүн багагүй юм.

Б.МӨНХЖИН

Энэ мэдээнд өгөх таны сэтгэгдэл?
12
ЗөвЗөв
3
БурууБуруу
2
ХахаХаха
1
ХөөрхөнХөөрхөн
1
ТэнэглэлТэнэглэл
0
ГайхмаарГайхмаар
0
ХарамсалтайХарамсалтай
Баярлалаа!

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-05-16 203.91.115.49

Цэцэрлэгжүүлэх эсвэл ойжуулах.

Avatar

Зочин 2022-05-16 103.212.118.35

Sain ajil b. A eh orndoo iim saihn ajil ehluulj bgaa buh hund bayrllaa. Tarisan ur buhen ni urjin olshirog ee.

Avatar

Зочин 2022-05-16 66.181.190.94

Zuv buyantai ajil baina Gol ni ur dun chuhal daa Demjih heregtei

Avatar

Zochin 2022-05-16 202.126.89.99

Suulgats gej mungu zarj urguulchihaad shiljuulen suulgaj uhuulj baihaar tend ni uldeeh heregtei teged uur gazar tariad ywna biz urgamal sudaldag erdemted ni heldeggui yum yy sotsializmiin uyees eheleed tarisan bizdee herew urgasan bol udiiid modon dotoroo tuuruhuur bolson daanch ur dun ni teg baigaa biz dee tiim bolhoor sanaa ni saihan ch arga ni buruu b.na gesen ug yasan ch uhaan mylgyy humuus baidagiin argaa uurchiluuch

Avatar

Зочин 2022-05-16 43.242.242.59

Өвөрмонголчуудаас туршлага судал. тэд гоио ногооруулж чадсан

Avatar

Зочин 2022-05-16 192.82.68.38

Mod tarih zob. Mod tarij nogoon hana baiguulj elsnii nuudeliig zogsooh heregtei. Hursnii doroitol ih boljee. 3 heseg nogoon hana baiguulah shaardlagatai baina.

Avatar

Зочин 2022-05-16 213.87.134.90

!!!!!!!! Шилдэг тавтай морилно уу секс болзоо сайт — http://Hot24.pw

Avatar

Иргэн 2022-05-16 103.26.194.74

БХ-ын сайд Сайханбаярын санаачилсан говьд мод тарих ажлууд их зөв гараатай байгааг дэмжиж цаашдын ажил нь урагштай байж говь нутагт ойн төгөлүүд бий болог гэж ерөөе

Avatar

Zochin 2022-05-16 66.181.182.29

Мод тарьлаа гэдгээ ийм их зардал гаргаж хөгжим, дуучин, элдэв олон суртал ухуулгын хэвлэсэн хулдаас, дагалдан яваа бөөн бараа бологч дагалдуулах хэрэг байна уу. Сэтгэлгээ муутай, боловсрол тааруу хүний хэмжээнд тавьсан жүжиг юм уу даа

Avatar

Зочин 2022-05-16 82.135.30.192

Tserguud gants udaa yum uzeg l dee. Chamd l naaldatsgui yum geheer hereggui zuil baih yostoi yum uu

Avatar

Ай 2022-05-16 202.21.114.196

МЭДЭХГҮЙМДААА…..БИДНЭЭС ИЛҮҮ УХААНТАЙ НАМЗАСАГ, САЙД, ДАРГА НАР ЭНЭ УЛСЫГ УДИРДАЖ БАЙГАА ЮМ ХОЙНО ГЭЭЛ СУУНА…

Avatar

Зочин 2022-05-16 139.5.219.111

Монголын төрийн үндсэн ажил нь амлах, алмайруулах болоод удаж байна, улам л лавширсаар . Энэ мод тарих ажил хэдэн зуун сая ухсан нүх болж үлдэж, шороон шуургаа дийлэхгүй болж мэдэх л юм. Нутаг ус минь ногоороосой гэж залбирая.

Avatar

saraa 2022-05-16 139.5.219.119

уг нь төрийн хийх ёстой ажил мөн юм болов уу, төр хувийн хэвшлийн хийх ажлыг ингэж булаагаад баймааргүй л байгаа юм, энэ зарцуулах хөрөнгийг хувийн хэвшилд өгч олон хүнийг ажилтай болгомоор, батлах хамгаалах салбар хийх ёстой ажлаа л сайн хиймээр

Avatar

Пүрэвсүрэн 2022-05-16 66.181.161.94

яг зөв ажил бна.Улс орноо цөлжилтөөс хамгаалах нь батлан хамгаалахын ажил мөн.

Avatar

Зочин 2022-05-16 139.5.218.58

хайран хөрөнгө . мод тарих нь зөв боловч тариад ургуулах нь бүр зөв. ургуулана гэдэг арчилана гэсэн үг ….энэ мод суулгасан газар нь арчлах боломж байгаа юм болов уу . мал идэхээс авахуулаад арчлах хамгаалахгүй бол хайран л юм болчих вий дээ. баахан дэвжээрч дэвжээрч ойгоо сүйтгээд суулгац зардаг нэг хэсэг хүмүүст л ашигтай юм болох шинжтэй болоод байна дах

Avatar

Зочин 2022-05-16 202.21.126.30

Хашаа барьж л таарна. Тэгэхгүй бол мал идчихнэ биз дээ

Avatar

Зочин 2022-05-16 66.181.160.85

"Тэгнэ, ингэнэ" гэж ярих_ амлах амархан, гагцхүү бодит ажил болгох нь огт өөр асуудал шүү!! Ялангуяа мод тарина гэдэг бол тарьц суулгаад орхихын нэр биш гэдгийг л мартав даа??

Avatar

Зочин 2022-05-16 43.242.242.59

Энэ сайт уул нь хүрэлсүхийг дэмжсэн юм нийтлэх ёсгүй дээ. хамаагүй юм нийтэлж байж сэтгүүлчид нь элбэгдоржид алуулах вий

Avatar

Зочин 2022-05-16 64.119.23.221

МӨНЧ СҮРЖИГНЭЖ БАЙНДАА,,,ДУУТАЙ ТЭНГЭР ХУРГҮЙ ГЭЖ БАС Л ҮНЭН ҮГШДЭЭ,,,,

NewsMN Гар утасны хувилбар Татах
NEWS.mn

Мэдээллийн эх сурвалж