Владимир Путин Финланд улс НАТО-д элсэх хүсэлтэй байгаагаа зарласны хариуд хийн нийлүүлэлтийг маргаашаас нь зогсоож магадгүй гэж улстөрчид болгоомжилж байна. Финландын парламентын гишүүд НАТО-д элсэх мэдэгдлийн хариуд Оросын экспортыг маргааш нь зогсоож болзошгүйг анхааруулсан гэж "Илталех"-т мэдэгдэв.

Өнөө өглөө ерөнхийлөгч Саули Ниинисто, ерөнхий сайд Санна Марин нар Аюулгүй байдлын эвсэлд цаг алдалгүй нэгдэх хүсэлтэй байгаагаа мэдэгджээ. Швед ч хэдхэн хоногийн дотор үүнийг дагаж, Орос, баруун хоорондын хурцадмал байдлыг эрс нэмэгдүүлсэн. Кремль өмнө нь тус хоёр улсыг бүтнээр нь сүйрүүлэх болон хамгийн хүсээгүй үр дагаврыг баталгаажуулна гэж сүрдүүлж байсан бол өнөөдөр цэрэг-техникийн болон бусад хариу арга хэмжээ авахаас өөр аргагүй болно гэж мэдэгдэв.

Финланд Орос руу тавдугаар сарын 23-нд хийн дараагийн төлбөрөө төлөх үед Путин Хельсинкээс өшөөгөө авах вий гэсэн болгоомжлол хэдийнэ бий болсон. Гэхдээ одоо Кремль эртхэн арга хэмжээ авах болов уу гэсэн болгоомжлол үүсэв. Финланд улс НАТО-д элсэх хүсэлтэй байгаагаа зарласны дараа "АНУ Европт шинэ төмөр хөшиг босгож байна" гэж Оросын төрийн телевиз өмнө нь буруутгаж байсан.

"Финланд улс НАТО-д элсэх хүсэлтээ яаралтай гаргах ёстой" гэж тус улсын ерөнхийлөгч, ерөнхий сайд нар мэдэгдсэн. Мөн “Энэ хаврын үеэр Финланд улс НАТО-д гишүүнээр элсэх боломжийн талаар чухал хэлэлцүүлэг болно” гэж хэлээд, "Парламент болон нийт нийгэмд энэ асуудлаар байр сууриа илэрхийлэх цаг хэрэгтэй болсон. НАТО болон түүний гишүүн орнууд, түүнчлэн Шведтэй олон улсын нягт харилцаа холбоо тогтооход цаг хугацаа хэрэгтэй байсан. Бид хэлэлцүүлэгт шаардлагатай орон зай өгөхийг хүссэн. Шийдвэр гаргах мөч ойртож буй энэ үед бид ижил байр суурьтай байгаагаа илэрхийлж, УИХ дахь бүлэг, намуудад мэдээлэл өгч байна” гэж мэдэгдсэн юм.

Эх сурвалж: DAILY MAIL, EURO NEWS