Шри Ланкад уурласан эсэргүүцэгчид рүү засгийн газрын дэмжигчид түрэмгийлэв. Үүний  дараа эрх баригч Ражапаксас болон парламентын гишүүдийн хэд хэдэн байшинг эсэргүүцэгчид шатаасан байна.

Ерөнхий сайд Махинда Ражапакса засгийн газрынхаа эдийн засгийн хямралыг зохицуулж чадаагүй ба суудлаасаа огцорсон юм. Эмх  замбараагүй байдал нэг өдрийн турш үргэлжилж байна. Ерөнхий сайдыг албан ёсны байрандаа хорогдож байхад эсэргүүцэгчид дайрч, галдан шатаахыг завджээ. Бослого эхэлсэн Даваа гаригаас  хойш таван хүн нас барж, 190 гаруй хүн шархадсан байна.

Эрх баригчид хүчирхийллийг дарах гэж оролдож байгаа тул арлын хэмжээнд хөл хорио Лхагва гаригийн өглөө хүртэл тогтоов.

Өнгөрсөн сараас хойш үнийн өсөлт, цахилгааны хязгаарлалтыг эсэргүүцсэн жагсаал олон долоо хоног үргэлжилсэн.  Түүнчлэн жагсагчид Махиндагийн дүү Ерөнхийлөгч Готабая Ражапаксаг ажлаа өгөхийг олон хүн уриалсаар байна.

Засгийн газрын дэмжигчид болон жагсагчид хоорондоо Даваа гаригийн өглөө нийслэл Коломбо хотод Махинда Ражапаксагийн сүмийн  гадна, дараа нь Галле Фас Грин дэх эсэргүүцлийн гол талбайд ширүүн мөргөлджээ.

Цагдаагийн хүчин жагсагчид руу нулимс асгаруулагч хий, усан буугаар буудсан байна. Уурласан жагсагчид хариу арга хэмжээ авч, засгийн газрын дэмжигчид рүү дайрч, эрх баригч намын парламентын гишүүдийг онилсон. Тэр дундаа танхайрсан хүмүүс гишүүний машин руу нь дайрсны дараа хоёр хүнийг буудаж, улмаар амиа егүүтгэсэн гэж Шри Ланкийн цагдаа мэдэгдэв.

Шөнө дунд ойртох  тусам орон даяар жагсагчид Ражапаксас, янз бүрийн сайд, парламентын гишүүдийн байшингуудыг шатаажээ.  Үүнд Шри Ланкийн өмнөд хэсэгт орших Хамбантота дахь тосгон дахь Ражапаксачуудын маргаантай музей болгосон байшин багтжээ.

Эх сурвалж: BBC