Монголын пауэрлифтингийн нэгдсэн холбооноос өнгөрөгч гуравдугаар сарын 26-27-ны өдрүүдэд хэрэглэлгүй пауэрлифтингийн УАШТ-ийг зохион байгуулсан билээ. Тэгвэл тус тэмцээнд оролцсон тамирчин допингийн шинжилгээнд бүдэрсэн аж.

Тодруулбал, М1 ангиллын -105 кг-ын жинд өрсөлдсөн Б.Түвшинтогтохоос S1 төрлийн хориотой бодис илэрсэн тул дөрвөн жилээр УАШТ болон орон нутгаас зохион байгуулах тэмцээнд оролцох боломжгүй болжээ.

Монголын пауэрлифтингийн нэгдсэн холбооны мэдэгдэлд “2022 оны гуравдугаар сарын 26-27-ны хэрэглэлгүй пауэрлифтингийн УАШТ-ий М1 ангиллын -105 кг-ын жингийн тамирчин Б.Түвшинтогтохоос S1 төрлийн Хориотой бодис илэрсэн тул дөрвөн жилээр УАШТ болон орон нутгаас зохиогдох пауэрлифтингийн ямар ч тэмцээн уралдаанд орохыг хориглоно. М1 -105 кг жингийн тамирчид медалийн зөрүүгээ холбооны ерөнхий менежер Б.Энхбаяраас аваарай” гэжээ.