Сүүлийн 24 цагийн хугацаанд улсын хэмжээнд хийсэн Covid-19-ийн шинжилгээгээр цар тахлын нийт 61 тохиолдол бүртгэгдсэн байна. Шинээр илэрсэн тохиолдлуудын 35 нь Улаанбаатар хотод, 26 нь орон нутагт батлагджээ. Өнөөдрийн байдлаар Монгол Улсад нийт батлагдсан тохиолдлын тоо 921679 болов.

Эрүүл мэндийн яамнаас Covid-19-ийн цаг үеийн нөхцөл байдлын мэдээллийг өдөр бүр 11:00 цагт албан ёсны сайт, цахим хаягт байршуулахаа зогсоож буйгаа мэдэгдсэн. Иргэн та уг мэдээллийг Эрүүл мэндийн статистик мэдээллийн сан 1313.mn сайтаас авах боломжтой юм.

Б.ЖАРГАЛ