Засгийн газраас өнөөдөр буюу тавдугаар сарын 1-нээс бүх иргэнийг халдварт болон халдварт бус өвчнөөс урьдчилан сэргийлэх эрт илрүүлэх үзлэг, шинжилгээ, оношилгоонд хамруулах шийдвэр гаргасан. Энэ шийдвэртэй холбогдуулан орон даяар эрүүл мэндийн үзлэг, оношилгоонд хамруулах ажил эхэллээ.

Тус оношилгоонд иргэн бүр жилд нэг удаа хамрагдах боломжтой бөгөөд нэг хүнд 150 мянган төгрөг зарцуулах тооцоолол хийжээ.

Үзлэг, шинжилгээ зөвхөн лавлагаа шатлалын эрүүл мэндийн байгууллагад жилд нэг удаа хийгдэхдээ, иргэнд урилга ирсэн үед доорх эрүүл мэндийн байгууллага, эмнэлэгт очиж үзлэг, шинжилгээ, оношилгоондоо хамрагдах боломжтой.