“Мобиком” корпорацийн ерөнхий захирал асан Тацуяа Хамада Монголд зургаан жил ажиллаж амьдраад, өчигдөр нутаг буцжээ. Тэрбээр Токиог зорьсон МИАТ-ын онгоцоор зорчсон бөгөөд гайхалтай сюрприз барьсанд талархаж буйгаа илэрхийлсэн байна.

Тацуяа Хамада цахим хуудсаараа дамжуулан “Өнөөдөр (2022.04.27) Токиог зорьсон МИАТ-ын нислэгийн үеэр маш том сюрприз барилаа. Нислэгийн үеэр нийт зорчигчдын дунд Монголд өнгөрүүлсэн 6 жил 2 сарын амьдралын минь талаар халуун дулаан сайхан үгс бүхий мэдээлэл хийж, том бялуу, Мобикомын хамт олны зураг болон МИАТ-ын нэрийн бугуйн цаг бэлэглэлээ. Нарны шилнийхээ ард нулимсаа нуухад хүрсэн” хэмээн сэтгэгдлээ илэрхийлжээ.

Б.ЖАРГАЛ