МҮХАҮТ Хөгжлийн банкны асуудлаар төрийн 3 өндөрлөгт хандав | News.MN

МҮХАҮТ Хөгжлийн банкны асуудлаар төрийн 3 өндөрлөгт хандав

МҮХАҮТ Хөгжлийн банкны асуудлаар төрийн 3 өндөрлөгт хандав

МҮХАҮТ Хөгжлийн банкны асуудлаар төрийн 3 өндөрлөгт хандав

МҮХАҮТ-аас Хөгжлийн банкны зээлийг зориулалтаар нь ашиглаж буй ААН-үүдэд тулгараад байгаа нийтлэг асуудлуудыг шийдвэрлэх талаар Монгол Улсын Ерөнхийлөгч, УИХ-ын дарга, Ерөнхий сайдад ханджээ.

Тус танхим албан бичигтээ “Аж ахуйн нэгжүүдийн хувьд Хөгжлийн банкнаас авсан зээлийг зориулалтаар нь ашиглан төсөл хөтөлбөрөө хэрэгжүүлсэн боловч аливаа том боловсруулах аж үйлдвэрийн төсөл, хөтөлбөрт учирдаг эдийн засаг, санхүү, хууль эрх зүй, техникийн болон зах зээлийн урьдчилан тооцоолоогүй эрсдэлүүд төслийг хэрэгжүүлэх явцад тулгарч, зээлээ хугацаанд нь төлж чадахгүй байх, нэмэлт санхүүжилт шаардагдах, төслийн хугацаа сунгах зэрэг асуудлууд тулгараад байна.

Мөн хууль, хяналтын байгууллагаас зээл авсан тухайн аж ахуйн нэгжийн гэм буруутай үйлдлийг эцэслэн тогтоогоогүй байхад бизнесийн нэр хүндэд нь халдан, хууль бусаар хорьж, шалгахгүй байх, үйл ажиллагаа явуулахад нь аль болох саад учруулахгүй байх нь чухал юм.

Монгол Улсын Засгийн газраас өргөн барьж УИХ-аар батлуулсан “Шинэ сэргэлтийн бодлого” дунд хугацааны хөтөлбөрийн нэг зорилт нь “Аж үйлдвэрийн сэргэлт” билээ. Хүнд аж үйлдвэрийн салбарын төслүүдийг шинээр хэрэгжүүлэхэд олон жилийн хугацаа, ихээхэн хөрөнгө хүч шаардагдах тул хувийн хэвшлийн санал санаачилгаар нэгэнт хэрэгжүүлсэн, хэрэгжүүлээд тодорхой үр дүнд хүрсэн байгаа эдгээр томоохон төслүүдийг бүрэн дуусгах нь эдийн засаг болон нийгмийн ихээхэн ач холбогдолтой учраас дараах асуудлуудыг шийдвэрлэх нэн шаардлагатай юм. Энэ хүрээнд:

-Хөгжлийн банкнаас авсан зээлийг зориулалтаар нь ашиглан томоохон төсөл хэрэгжүүлж байгаа аж ахуйн нэгжүүдийн зээлийн хугацааг сунгах, зээлийн бүтцийг өөрчлөх, нэмэлт санхүүжилт олгох,

-Хөгжлийн банкнаас ам.долларын зээл авсан, төгрөгийн орлоготой аж ахуйн нэгжүүдэд валютын ханшны өсөлтөөс учирсан алдагдлыг бууруулах арга хэмжээ авах,

-Гадаад зах зээл, хилийн хорио зэргээс борлуулалт нь зогссон аж ахуйн нэгжүүдийн тээвэр логистикийн асуудлыг шийдвэрлэхэд дэмжлэг үзүүлэх, төрийн худалдан авалтаар дамжуулан борлуулалтыг нэмэгдүүлэх зэргээр төсөл хөтөлбөрүүдэд тулгарч буй асуудлуудыг шийдвэрлэх шаардлагатай” гэжээ.

Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-04-28 213.87.131.43

)) Шилдэг тавтай морилно уу секс болзоо сайт – – – – http://Hot24.pw

Avatar

Зочин 2022-04-28 192.82.89.182

Монголын дамчид үнэхээр даваочих юм аа. Хийж бүтээсэн зүйл юу ч үгүй. Ард түмнээ шулж тансаглахаас өөр бүтээсэн зүйлгүй дамчдыг бүгдиыг нь дампууруул

NewsMN Гар утасны хувилбар Татах
NEWS.mn

Мэдээллийн эх сурвалж