Ө.Батзул Азийн аваргад үзүүрлэв

Хуучирсан мэдээ: 2022.04.24-нд нийтлэгдсэн

Ө.Батзул Азийн аваргад үзүүрлэв

Ө.Батзул Азийн аваргад үзүүрлэв

Чөлөөт бөхийн Азийн аварга шалгаруулах тэмцээний тав дахь өдрийн барилдаанууд өчигдөр/2022.04.23/ боллоо.

Эрэгтэйчүүдийн 57 кг-ын жинд З.Занабазар хүрэл медалийн төлөө Японы Рикүто Арайд эцсийн мөчид ялагдаж, тавдугаар байр эзлэв.

  • 65 кг-ын жинд Ц.Цогбадрах хүрэл медалийн төлөө Японы Кайки Ямагүчид 1:8-аар ялагджээ.
  • 70 кг-ын жинд Э.Тэмүүлэн хүрэл медалийн төлөө Энэтхэгийн Навеенд цэвэр ялагдсан. Түүний хувьд хагас шигшээ барилдаанд Кыргызстаны Эрназар Ахматалиевтай хийсэн барилдааны үеэр өвдгөндөө бэртэл авсан юм. Энэ нь түүнд нөлөөлсөн аж.
  • 79 кг-ын жинд Э.Бямбадорж Японы Юдай Такахашид 1:12-оор ялагдсан.
  • 97 кг-ын жинд Ө.Батзул мөнгөн медаль хүртсэн. Тэрбээр шигшээ барилдаанд 2015 оны Азийн аварга, Ираны Мохаммадхоссейн Мохаммадиантай хүч үзэж 0:11-ээр ялагдснаар хоёр дахь удаагаа тивдээ үзүүрлэв. Ө.Батзул гурван жилийн өмнө нь Шианьд болсон Азийн аваргад анх удаа финалдахдаа мөн л Ираны алдарт бөх Реза Язданид ялагдаж байлаа.

Азийн бөхийн холбооноос "Мехико-1968" олимпийн наадмын хүрэл медальт, ардын багш гавьяат тамирчин Ч.Дамдиншарав, "Мехико-1968" олимпийн наадмын хүрэл, ДАШТ-ий хүрэл медальт, ардын багш Д.Сэрээтэр, "Монреаль-1976" олимпийн мөнгө, ДАШТ-ий хоёр алт, нэг хүрэл медальт, хөдөлмөрийн баатар, гавьяат тамирчин З.Ойдов, ДАШТ-ий мөнгө, хүрэл медальт А.Энхээ, ДБНХ-ны хүндэт шүүгч Н.Дүгэрсүрэн нарт хүндэтгэл үзүүлсэн. Азийн бөхийн холбооны ерөнхийлөгч Даулет Турлыханов, дэд ерөнхийлөгч Кеннет Ли, ерөнхий нарийн бичгийн дарга П.Буяндэлгэр нар байлцав.

Энэ мэдээнд өгөх таны сэтгэгдэл?
3
ХахаХаха
1
ТэнэглэлТэнэглэл
1
БурууБуруу
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж