Хан-Уул дүүргийн Нарны хорооллын долдугаар байрны долоон давхрын олон нийтийн хэсгийн тагтны вакум цонх хүчтэй салхины улмаас 17:00 цагийн орчимд хагарч, машин дээр унажээ.

Хүн бэртэж, гэмтээгүй байна. Харин орцны гадна зогссон автомашинууд дээр цонх хагарч, унасан талаар иргэд одон нийтийн сүлжээнд нийтэлжээ.

Энэ талаарх дуудлага мэдээлэл нийслэлийн Онцгой байдлын газар ирээгүй байна.

Амралтын өдрүүдэд хүчтэй салхи шуургатай байх учраас аж ахуйн нэгж, айл өрхүүдийг хашаа хайс, хамгаалалтаа бэхлэхийг анхааруулж байна.