Эрүүл мэндийн яамнаас мэдээлснээр, сүүлийн 24 цагийн хугацаанд улсын хэмжээнд хийсэн шинжилгээгээр Covid-19-ийн 51 тохиолдол шинээр батлагдаж, нас баралт бүртгэгдээгүй байна. Нийт тохиолдлын 45 нь Улаанбаатарт, зургаа нь орон нутагт бүртгэгдсэн байна.

Улсын хэмжээнд өнөөдрийн байдлаар 162 хүн эмнэлэгт хэвтэн эмчлүүлж буй бол гэрийн хяналтад 571 хүн байгаа ажээ. Эдгээрээс эмнэлэгт хэвтэн эмчлүүлж буй бага насны хүүхэд ес, жирэмсэн эх дөрөв байна. Мөн 14 хүний биеийн байдал хөнгөн, 101 хүндэвтэр, 37 хүнд байдалтай, 10 хүн нэн хүнд байдалтай байгааг албаныхан мэдээллээ.