Ерөнхий сайд Л.Оюун-Эрдэнэ өнөөдөр “UBCab” онлайн такси үйлчилгээний компанийн ажилтай танилцав. Засгийн газар төрийн хэмнэлтийн хүрээнд “Төсвийн хэмнэлтийн тухай хууль” өргөн барьж, төсөвт байгууллагуудын хэмнэлтийг хуульчилж өгөхөөр ажиллаж буй.

Тухайлбал, хот суурин газарт зөвхөн сайд, аймаг, нийслэлийн Засаг дарга нар суудлын жижиг оврын автомашин хэрэглэхээр тусгасан. Үүнтэй холбоотойгоор тэрбээр төрийн байгууллагуудын автомашины үйлчилгээний зарим хэсгийг онлайн захиалгын үйлчилгээтэй холбох асуудлыг шийдвэрлэх боломжийн талаар ярилцсан байна.