Израилийн цагдаа нар зүүн Иерусалим дахь Аль-Акса сүмд хүчээр нэвтэрч, халдлага  хийсэн байна. Эмч нарын мэдээлснээр халдлагын улмаас дор хаяж 158 палестин хүн шархдаж, олон зуун хүн баривчлагдсан. Тус сүмийг  ажиллуулдаг Исламын хишиг Баасан гаригийн өглөө эрт мөргөл үйлдэхээр олон мянган мөргөлчдийг  цуглуулсан байв.

Мөргөлдөөний үеэр палестинчууд чулуу шидэж, цагдаа нар нулимс асгаруулагч хий, дуу алдуулагч гранат буудаж байгааг харуулсан бичлэг цахим ертөнцөөр тархсан байна.  Бусад нь сүм хийд дотор нулимс асгаруулагчаас өөрсдийгөө хамгаалж нуугдаж байв.

Палестины Улаан хавирган сар нийгэмлэгийн онцгой байдлын алба шархадсан хүмүүсийн дийлэнх хэсгийг эмнэлэгт хүргэжээ.  Тус газрын хамгаалагчдын нэг нь резинэн сумаар цагдаа нүд рүү нь буудсан гэж мэдээлэв.

Израилийн цагдаа нар хурцадмал байдлын үеэр дор хаяж 300 палестин хүнийг баривчилсан.  Гэвч Палестины эх сурвалжийн мэдээлснээр 400 хүн баривчлагдсан аж. Израилийн цагдаа нар өглөөний залбирлын төгсгөлд үлдэж байсан хүчирхийлэгчдийн цуглааныг тараахын тулд Исламын гурав дахь ариун газар болох еврейчүүдийн сүмийн уул гэж хүндэлдэг хашаанд нэвтэрсэн гэж олон нийтэд хариу мэдэгдсэн байна. Сүмд болсон үйл явдлыг цагдаа нар тайван байдлыг сахих ажиллагаа байсан гэж мэдэгдсэн ч хохирогчдын тоо хэт өндөр байгаа юм.

Эх сурвалж: Aljazeera