"Засгийн газар хууль батлуулж, УИХ-д асуудлаа нялзаах гэж байна" | News.MN

"Засгийн газар хууль батлуулж, УИХ-д асуудлаа нялзаах гэж байна"

ГАНБАТ

"Засгийн газар хууль батлуулж, УИХ-д асуудлаа нялзаах гэж байна"

УИХ дахь Ардчилсан намын бүлэг өнөөдөр /2022.04.12/ "Үнэ тогтворжуулах хуулийн төсөл"-ийн хэлэлцүүлгийг Төрийн ордонд зохион байгууллаа. "Олон улсын хямралт нөхцөл байдлаас үүдэлтэй гол нэр төрлийн бараа, бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах тухай хууль баталж үнэ тогтворжуулах нь зөв шийдэл мөн үү" сэдвийн хүрээнд нээлттэй хэлэлцүүлэг болж дууслаа.

Тус хуралд УИХ дахь Ардчилсан намын бүлгийн дарга Д.Ганбат, намын орон тооны бус зөвлөх эдийн засагч Ч.Отгочулуу, бүлгийн зөвлөх, эдийн засагч Р.Даваадорж, ажлын албаны дарга Ц.Оюундарь болон С.Одонтуяа нар оролцсон.

Хуралдааныг эхлүүлж УИХ-ын гишүүн, ардчилсан намын бүлгийн дарга Д.Ганбат үг хэлэв. Тэрбээр,

"Өнөөдөр “Хууль гаргаж үнэ тогтворжуулах нь зөв шийдэл мөн үү” сэдвийн хүрээнд хэлэлцүүлэгт цөөн тооны хүмүүс байгаа хэдий ч зөв зүйл дээр үг дуугардаг, хэрэгтэй хүмүүс нь сууж байна. Энэ улс төрд зөв зүйл ярьдаг, зөв юм хийдэг сөрөг хүчин буюу Ардчилсан намын гишүүд бий. Биднийг хэлсэнгүй, дуугарсангүй гэдэг. Гэхдээ байр сууриа хэлсэн байгааг та бүхэн харлаа. Миний хувьд эдийн засгийг төрийн зохицуулалттай, зохицуулалтгүй болон төлөвлөгөөт бүхий гурван аргаар шийдэх нь зөв гэж үздэг.

Өнөөдөр манай улсын хойд хөрш ямар байдалтай байгаа билээ. Маш их байгалийн баялагтай мөртлөө дайны асуудалтай байгаа. Харин Хятадын хувьд эдийн засгийн чөлөөт зах зээлтэй боловч төрийн зохицуулалттай, нэг намын системтэй.

Ардчилсан намын хувьд олонх болоогүй ч улс төр, эдийн засгийн шинэчлэлтийг хамтад нь хийгээд явж байсан. Хэдийгээр нам асуудалтай, үл ойлголцолтой байгааг хүлээн зөвшөөрдөг.  Энэ бол ардчиллын зарчим. Гэхдээ бид нэг зүйл дээр нэг байж чаддаг. Ямар ч эвдэрхий цаг хоёр удаа зөв заадаг гэдэг шиг бүгд зөв юм ярьж байсан.

Өнөөдрийн тухайд нефтийн үнэ, валютын ханш буух юм бол эдийн засаг эргээд хэвийн байдалд орж магадгүй. Монгол Улсын байгаа байдал эх баригчидтай холбоотой бөгөөд төмөр замаа шаардлагын дагуу зөв тавьж чадаагүй. Арав гаруй жилийн өмнө амлаж байсан амласандаа хүрч чадаагүйгээс л үүдэлтэй юм. Харин өнөөдрийн хэлэлцүүлгээр чадварлаг эдийн засагчид ирсэн учир асуудлыг шийдэх гарц гаргалгаа болоод зөв шийдэл олох байх" гэв.

Эдийн засагч Ч.Отгочулуу хэлэхдээ, "Инфляци бол ядуурал, ажилгүйдлийн дүн. Тиймээс монголчууд өнөөдөр 14 хувиар ядуурчихаад байгаа гэсэн үг. Эмнэлэг, сургууль ашгийн төлөө ажилладаггүйтэй адил Монголбанк ашиг олох бус харин ч зардал гаргаж инфляцийг бууруулж болдог. Аль ч улсын Төв банк дотоод валютынхаа ханшийг барих үүрэгтэй. Гэтэл Монголбанк энэ үүргээ биелүүлж чадсангүй. Одоо Засгийн газар нь хууль баталж, Монголбанкийг өөрийн агентлаг шигээ ажиллуулах гэж байна" гэж шүүмжлэв.

Эдийн засагч Р.Даваадорж "Засгийн газар энэ хуулийн төслийг оруулж ирэхдээ хэдэн төгрөг хаанаас гаргах, тэр мөнгөө хаанаас олох нь тодорхойлоогүй. Хууль батлуулж УИХ-ын 76 гишүүнд асуудлаа нялзааж, хариуцлагаас зугaтаах, өөрөөр хэлбэл хулгайгаа хуульчилж хаах арга байна" гэдгийг хэлэв. Цаашлаад хэлэлцүүлэгт оролцсон гишүүд “Ийм хууль батлах нь луйвар. Иргэд үнэхээр үнийн өсөлтөд сөхөрч, амьдрал эмгэнэлтэй байна. Монголчууд аж амьдрал ч үгүй эрүүл мэнд ч үгүй болсон, тиймээс мах гурилны үнэ ярихаас эмнэлгийн тогтолцоог өөрчлөх зэргээр бодлогоо өөрчлөх шаардлагатай” байгаа талаар хэллээ.

Мөн УИХ-ын дэд дарга С.Одонтуяа, хэлэлцүүлэг үр дүнтэй болсныг дурдаж, хуульд зөвхөн мах, гурилын үнэ гэж тусгах биш эмийн үнэд анхаарах ёстой. Эрүүл мэнд хамгийн гол асуудал гэдэгтэй санал нэгдэж байна. Хэлэлцүүлгийн үед гарсан санал бүрийг хуулийн хэлэлцүүлгийн үеэр уламжилах болно гэдгээ илэрхийллээ.

Энэ мэдээнд өгөх таны сэтгэгдэл?
4
ТэнэглэлТэнэглэл
2
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-04-12 103.212.117.62

Тахиан тархитай ерөнхий сайдаа зайлуулаачээ Бусад улсуудын удирдагчдыг хараад наад данкалзахаас өөр юмгүй амьтанаа нэг хар даа.

Avatar

Зочин 2022-04-12 192.82.78.45

Сонгогчидоо . Та бид Монголоо хөгжүүлэх, ард түмнийхээ амьжиргааг сайжируулхад мэргэн ухаанаа уралдуулая гэж төрий түшээдээ сонгосон биздээ . Энэ хугацаанд зөвхөн эсэргүүцэхээс өөр , Сүүлийн 10 орчим жилд та бидний нэр , итгэлийг хүлээсэн , түүнд нь бахармаар бодитой төсөл , хууль боловсруулдаггүй нөхөдийг сонгоогүй биздээ. Энэ байдал нь сонгогч таны бодолд бүрэн нийцэж байдаг юм уу. Бодох , зүйл их байна шүү

Avatar

Зочин 2022-04-12 192.82.78.45

Сөрөг хүчин гэдэг нэр ер нь эсэргүү гэсэн үг юм уу , Монголыг хөгжүүлэх , ард түмнийхээ амьжиргааг дээшлүүлэх гэсэн бодлого бүрийг эсэргүүцэх мөртлөө сүүлийн арав орчим жилд сайн бодлого боловсруулж хэрэгжүүлсэн зүйл юу байнаа, Сөрөг хүчин сая “Хууль гаргаж үнэ тогтворжуулах нь зөв шийдэл мөн үү” сэдвийн хүрээнд хэлэлцүүлэг хийжээ. Үүнээс гаргасан дүгнэлт нь энэ хуулийн төсөл буруу гэнэ гэхдээ сайн зөв бодлого байгаа юм бол тэр санал нь хаана байна .

Avatar

Монгол 2022-04-12 172.56.34.188

Албан тушаал эрх мэдлээ бас авилгалын суудал бохир санхүүгээ хадгалж үлдэх арга бол Монголын төр…шинээр хууль батлуулж өөрсдийн эрх ашгаа хамгаалах з****г хэрэглэж 30 жил болов

Avatar

зочин 2022-04-12 103.212.119.19

Ялтан Эрдэнээгийн салтааны үснүүд

Avatar

Нэмэргүй 2022-04-12 202.126.89.186

МОНГОЛ ХҮН НЭГ БҮР ЗӨВ, САЙН ТАЛРУУГАА ӨӨРЧЛӨГДӨЖ ТӨЛӨВШИХӨӨС НААШ ХИЧНЭЭН Ч ХУУЛЬ БАТЛААД, ЗАСАГ ОГЦРООД, ЖАГСААД, БУХИМДААД, БУСАДРУУ БУРУУГАА ЧИХЭЭД НЭМЭРГҮЙ ДЭЭ ‼️

Avatar

Зочин 2022-04-12 64.119.24.117

Ямар ч гарц шийдэл алга. Инээх гээд унгас алдана гэдэг л болсон байх шив дээ

Avatar

Зочин 2022-04-12 64.119.24.117

Энэ хэдэн их мэдэгчид үүнийгээ оюутнуудад очиж нэг сайн тайлбарлаасай. Нөхцөл байда ямар ч дүн шинжилгээ хийх чадваргүй хоосон толгойнууд байх шив дээ. Гадаад талаас ямар ч нөлөө байхгүй юм гэнэ. МАН-ын Засгийн газарт л буруу байна гэнээ. Хахаа

Avatar

Баяраа 2022-04-12 192.82.66.41

Ийм харалган зүгээр л эсэргүүцэхийн тулд ерөнхийлөн ярьдаг эдийн засагч нар байдаг юм уу?

Avatar

Zochin 2022-04-12 192.82.82.115

Bolokhgyi baigaa shaltag shaltgaanaa todorkhoilood zuv bolgokh, zasaj zalruulakh arga khemjeenii sanal baikh yostoi biz dee uul n'. Tolgoi n' ajillaj chaddaggyi umnuud khyn khuursan um khiichikh geed l yzeed baikh um daa. Yamarch bsan ed nariin yed uls oron khugjikhgyi ee.

Avatar

Зочин 2022-04-12 202.9.41.141

Өлгөөд авчих ганц ширхэг шинэ санаа ч алга. Зурагдсан пянз мэт. Хэнд хэрэгтэй хэлэлцүүлэг вэ? Сөрөг хүчин бол өөр нүдээр хар л даа.

Avatar

иргэн 2022-04-12 64.119.27.49

Төрийн хамгийн тэргүүний зорилго бол олигархиуд тэдэнтай төрийвч болон санаа зорилго нэгт албан тушаалтнуудтай тэмцэх явдал шүү дээ. Үнэ тогтворжуулах хөтөлбөр бол олигорхиудын аманд нь угж хөхүүлж байгаатай л адил оодруулж буй нэг төрлийн халамжийн хөтөлбөр шдээ. Зүй нь олигорхиудын цамаан загнаж баруун солгойгүй үрэлгэн цацаж буй тансаг хэрэглээ, хөрөнгийн шүүсийг нь шахаж улсын сан хөмрөгийг зузаатгаж улс оронд бүтээн байгуулалт хийх явдал гээд цаашаа явж өгнө дөө

Avatar

Зочин 2022-04-12 172.90.229.225

үнийг тогтворжуулж төсвөөс зөрүүг төлнө гэдэг нь баячуудыг л дэмжиж байгаа хэрэг. тэрний оронд ядуучуудад нь тэтгэмж, нөхөн олговор хүнсний талоноор олгох хэрэгтэй

Avatar

Иргэн 2022-04-12 192.82.86.208

Хэмнэлтийн хууль үр дүнгээ өгнө. Үнэ тогтворжуулах хууль үр дүнгээ өгөхгүй

NewsMN Гар утасны хувилбар Татах
NEWS.mn

Мэдээллийн эх сурвалж