Сургуулийн 20 автобусны сураг хил дээр тасарчээ | News.MN

Сургуулийн 20 автобусны сураг хил дээр тасарчээ

Сургуулийн 20 автобусны сураг хил дээр тасарчээ

Сургуулийн 20 автобусны сураг хил дээр тасарчээ

Одоогоос хоёр жилийн өмнө түгжрэлийг бууруулах нэрийдлээр нийслэлийн төсөвт сургуулийн 200 автобусны өртгийг тусгасан. Гэвч цар тахлын нөхцөл байдлаас хамаарч хил гааль дээр гацалт үүссэн гэх ганцхан шалтгаанаар ажил замхраад буй.  Угтаа урдаас татаж байгаа шаардлагатай бараа, бүтээгдэхүүнд оочер, дараалал үүсч, хүндрэл саад учрахгүйг тухайн үеийн хотын дарга, одоогийн Шадар сайд С.Амарсайхан мэдэгдсэн билээ. Харамсалтай нь, төсөвт зардал шингэсэн атал хоёр жилийн хугацаанд амласан 200 автобуснаас таван ширхгийг нь л оруулж ирсэн юм. Тендерт тэргүүлж, төлбөрийн урьдчилгаагаа авсан “Моннис Моторс” ХХК үлдэгдэл автобусаа энэ сард оруулж ирнэ гэдгийг өнгөрсөн сард хэлсэн. Тиймээс сургуулийн дараагийн ээлжийн 20 автобус хэзээ Монголд ирэх талаар тодрууллаа.

"Моннис моторс" ХХК-ийн захирал Г.Мөнхбаатар:

-Хил хаасантай холбоотойгоор тохиролцсон хугацаанд автобус орж ирээгүй. Дараагийн ээлжийн 20 автобус Замын-Үүд дээр ирсэн. Энэ сардаа багтаад хүлээлгэж өгнө. Мэдээж тодорхой хугацаа өнгөрсөн учраас автобус авах зардалд өөрчлөлт орсон. Бид үнийн саналаа шинэчилж, нийслэл рүү дахин явуулсан. Хоёр компанийн худалдах, худалдан авах гэрээний нууцлалтай холбоотой учир автобусны нэг бүрийн үнэлгээг хэлэх боломжгүй.

"Моннис моторс" компанийн хувьд нийслэлээс төсөвлөсөн 20 гаруй тэрбум төгрөгийг бүрэн аваагүй. Зөвхөн 30 хувийг урьдчилгаа хэлбэрээр авсан. Тэр мөнгөөр эхний удаад 2020 онд таван автобус оруулж ирж, хүлээлгэж өгсөн.

Одоо дараагийн 20 автобусыг өгөх гэж байна. Үлдэгдэл автобусыг 20, 20-иор нь авч ирнэ. Үнийн хувьд их өөрчлөлт орсон учраас анх гэрээ хийсэн 200 автобус нийлүүлж чадахгүйгээ мэдэгдэж, 75 болгон бууруулсан. Нийслэлээс ямар нэгэн хариу өгөөгүй. Ямартай ч энэ жилдээ багтаад үлдсэн 50 автобусыг нийлүүлнэ" гэх тайлбарыг өнгөрсөн сард өгсөн.

Гэвч сарын хугацаа өнгөрсөн байгаа ч хил дээр саатсан 20 автобус нь нийслэлд ирээгүй байна.

ЗОРЧИГЧ ТЭЭВЭР ГУРАВ: СУРГУУЛИЙН 5 АВТОБУС ДЭЭР НЭГ ШИРХЭГ Ч НЭМЭГДЭЭГҮЙ

Ерөнхий боловсролын сургуулиудыг зориулалтын иж бүрэн тоноглогдсон автобусаар хангах зорилт тавьж, таван автобусыг “Зорчигч тээвэр гурав”-т хүлээлгэж өгсөн. Тус автобусууд өнөөдөр аль чиглэлд явж байгаа болон 20 автобусыг нэмж хүлээлгэж өгсөн эсэх талаар тодрууллаа.

Тус байгууллагаас өгсөн мэдээллээр "Хүүхдийн аюулгүй байдлыг хангах, автозамын хөдөлгөөний ачаалал бууруулах ач холбогдлыг харгалзаж, хүүхдийн автобусыг оруулж ирэхээр болсон. Тэр төслийн хүрээнд 2020 онд өгсөн таван автобус чиглэлийн дагуу үйлчилж байна. Манай компанид 3-4 дүгээр сард сургуулийн нэг ч автобус ирээгүй. Хүлээлгэж өгсөн зүйл байхгүй. Хуучин үйлчилж байсан зургаан автобус л тээвэрт явж байгаа. Чиглэлийн тухайд,

  • Ч:13- 139 дүгээр сургууль
  • Ч:14- 123 дугаар сургууль
  • Ч:15-149 дүгээр сургууль
  • Ч:16- 23, 24 дүгээр сургууль
  • Ч:17- 71 дүгээр сургууль чиглэлд явж байна.

Үүнээс гадна Ч:27 буюу 134 дүгээр сургууль гээд нийт зургаан сургуулийн сурагчдын нийтийн тээврийг хариуцаж байна. Дахин нэмж хүүхдийн автобус өгөх талаар нийслэлээс ч, "Моннис моторс" компаниас ч холбогдоогүй. Сурагчдыг тээвэрлэх, техникийн бүрэн байдлын хувьд асуудалгүй ажиллаж байна" гэлээ.

Тэгвэл өнгөрсөн сард багтаж ирэхээр төлөвлөж байсан Замын-Үүд дээр гацсан 20 автобусны сураг хаана тасрав. Хил дээр саатсан шаардлагатай бараа, техник хэрэгслийг ойрын хугацаанд оруулж ирнэ гэсэн атал сургуулийн автобус яагаад одоо хүртэл үйлчилгээнд явахгүй байна вэ?

Энэ мэдээнд өгөх таны сэтгэгдэл?
8
ТэнэглэлТэнэглэл
4
БурууБуруу
2
ХөөрхөнХөөрхөн
0
ЗөвЗөв
0
ХахаХаха
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-04-12 51.79.161.250

What is my IP?

Avatar

Зочин 2022-04-12 109.12.90.208

1 автобус үнэ хэд вэ?
Яахлаараа нууц болдог билээ!
Дан хулгай дээрэм тонуул….

Avatar

Иргэн 2022-04-12 192.82.67.35

ХҮҮХДҮҮД ХАМРАН СУРГАХ ТОЙРГИЙНХОО СУРГУУЛЬД СУРАХ ЁСТОЙ . ТӨСӨВ ХЭМНЭХ ГЭЖ БАЙГАА БОЛ ЭНЭ АЖЛАА ЗОГСОО . БАГШ НАРЫНХАА ЗААХ АРГА БАРИЛ СУРГАН ХҮМҮҮЖҮҮЛЭХ УР ЧАДВАРЫГ ДЭЭШЛҮҮЛ . АМАРСАЙХАНЫ ХАМГИЙН ТЭНЭГ ШИЙДВЭР ХҮҮХДИЙН АВТОБУСЫГ / БАГА ОВРЫН// ХОТЫН ЗАХАД СУРГУУЛИАСАА ХОЛХОН АМЬДАРДАГ ХУУХДҮҮДЭД ҮЙЛЧИЛЖ ХАРЪЯА СУРГУУЛЬД НЬ ХҮРГЭЖ ӨГӨХ ХЭРЭГТЭЙ ҮР ДҮНГҮЙ ЗАРДАЛ БАС НЭГ АВИЛГА БАЙЖ ДАА

Avatar

зочин 2022-04-12 202.126.88.47

Юун илүү зантай юм бэ Энэ балай автобуссаар яах гэж байгаа юм бэ

Avatar

Зочин 2022-04-12 202.21.107.108

Хүүхдийг хамран сургах сургуульд нь өг, тэгвэл хүүхдийн автобус хэрэггүй болно. Сургуулийн автобус тэр чигтээ хахуулийн хүүхэд зөөж бна!!!!!!!!

Avatar

Зочин 2022-04-12 103.57.95.73

oruulj irj bgaa avtobus ni hyyhed zooj horoollin zamaar yavah ni bitgi hel tov zamaar ch yavahad busad mashintai bagtaj yadna. Hen iim balai ym oruulj irj tosvin mongo tsuslaad bga ym be. Yr hyyhedde ch neg ayataihan ym zoriulchihaj chadahgyi ideh uuhin ovchin tussan birdyyd

Avatar

Зочин 2022-04-12 202.126.90.93

мон нис -ийн төрд шахсан ниссан патролууд бензиниыг идэж өгнө Нөгөө доллараар авсан бензинийг хий шатаана шүү дээ Зарах гээд хэг авах уу хэн ч авахгүй

Avatar

Зочин 2022-04-12 192.82.81.20

Замын үүд дээр 20 атобус орж ирээд арав гаруй хонож байна.

Avatar

зочин 2022-04-12 66.181.166.196

Моннис бол жинхэнэ үл бүтэх газар, үнэ өслөө өслөө гэхэд 200 автобус 75 болно гэдэг ч арай л юм аа

Avatar

Зочин 2022-04-12 64.119.18.87

багш нар жаахан совестьтэй байгаачээ! 12 дугаар анги төгсч байгаа хүүхдээс ямар их мөнгө татдаг юм бэ? Баахан мөнгө авч авчихаад одоо багш нарт бэлэг авч өгөх мөнгө гэх юм. Багш нар ажлаа хийж цалин авч бга биз дээ?!!!!! Амьдрал хүнд бна!!!!

Avatar

Зочин 2022-04-12 150.129.141.59

2012 билүү 13 онд эднээх хогны машин гээд нээх өндөр тэвштэй цэнхэр өнгийн погдгор 60 70-д хятад машин нийлүүлсэн. Тэр нь жил яваад л сэлбэг олдохгүй гээд жагсаалтаас гарсан даа. Хажууд нь зэрэг нийлүүлсэн Японы цэнхэр хогийн машинууд одоо хүртэл явж л байна.

Avatar

Зочин 2022-04-12 139.5.218.42

Моннисын Чулуунбаатар гэж ХУЛГАЙЧ яасан шунал нь барагддаггүй юм бэ .хаана тендер мөнгө байна .тэр болгон руу л орж явахын. Наадах чинь гишүүн Амарсайхантай хийсэн гэрээ. Төлүүлж хохиролыг болгоо.5 толгойн цахилгаан станцыг барина гээд цахилгаан станц барьж байгаагүй компанаар зүтгээд байна гэсэн. Хүрэлсүх ээ энийгээ арай давруулаад байна шүү

NewsMN Гар утасны хувилбар Татах
NEWS.mn

Мэдээллийн эх сурвалж