ЭМЯ-наас мэдээлснээр, сүүлийн 24 цагийн хугацаанд улсын хэмжээнд хийсэн шинжилгээгээр Covid-19-ийн 52 тохиолдол шинээр батлагджээ. Үүнээс Улаанбаатарт-40, орон нутагт 12 тохиолдол тус тус бүртгэгдсэн байна.

Өнөөдрийн байдлаар халдварын улмаас 164 хүн эмнэлэгт, 621 хүн өрхийн эмнэлгийн хяналтад гэрээр тусгаарлагдан эмчлүүлж байгаа аж. Эмнэлэгт хэвтэн эмчлүүлж буй иргэдийн дунд 13 хүүхэд, 2 жирэмсэн эх байгаа юм байна.

Хэвтэн эмчлүүлэгчдээс 39 хүний бие хүнд, 10 хүний бие нэн хүнд байгаа аж. Мөн хугацаанд нас баралт бүртгэгдээгүйг ЭМЯ-наас мэдээлэв.