Монгол Улсын Засгийн газрын урилгаар Холбооны бүгд найрамдах Герман улсын Эдийн засаг хамтын ажиллагааны сайд Дирк Нийбел тэргүүтэй төлөөлөгчид манай улсад наймдугаар сарын 19-23-ны хооронд албан айлчлал хийж байна. Хөгжлийн сайд Д.Нийбелийг дагалдаж ХБНГУ-ын Бундестагийн гишүүн хатагтай К.Е.Хаппак Касан, ноён Х.Хайбах, Ү.Күмдф болон бусад албаны төлөөлөгчид хүрэлцэн ирсэн аж.

Тус улс нь Европын холбооны улс дундаас манай улсын гол түншээс гадна, өөрчлөлт шинэчлэлийг анхнаас нь  дэмжиж ирсэн байна. ХБНГУ-аас Монгол Улсад 1991-2010 онуудад 290 гаруй сая еврогийн тусламж үзүүлсэн гэнэ. Герман улс нь Монгол Улсад хандивлагч орнуудаас эхний хоёрдугаарт ордог юм. Герман улсын Эдийн засгийн хамтын ажиллагаа, Хөгжлийн яам нь гадаад улсуудад үзүүлдэг хөгжлийн албан ёсны тусламжийн асуудлыг хариуцаж ажилладаг байна. Уг айлчлалын хүрээнд Эдийн засгийн хамтын ажиллагаа, хөгжлийн сайл ноён Д.Нийберл өнөөдөр Монгол Улсын Ерөнхий сайд С.Батболдод бараалхах юм. Мөн гадаад хэргийн сайд болон Эрдэс баялаг эрчим хүчний сайд Д.Зоригт нартай уулзаж хамтын ажиллагааны талаар санал солилцохоор төлөвлөжээ. ХБНГУ-ын Эдийн засгийн хамтын ажиллагаа, Хөгжлийн сайд ноён Д.Нийбел нь 1991 оноос хойш манай улсад хоёр дахь удаагаа айлчилж байгаа аж.

Б.Алт